Prabhas, Gopichand: గోపిచంద్ కోసం రానున్న ప్రభాస్!

గోపీచంద్ హీరోగా తమన్నా హీరోయిన్ గా ప్రస్తుతం శ్రీనివాస సిల్వర్ స్క్రీన్ బ్యానర్ పై తెరకెక్కుతున్న స్పోర్ట్స్ బేస్డ్ యాక్షన్ డ్రామా ఎంటర్టైనర్ మూవీ సీటీ మార్. సంపత్ నంది దర్శకత్వంలో తెరకెక్కుతున్న ఈ సినిమా ఫస్ట్ లుక్ టీజర్ తో పాటు ఇటీవల విడుదలైన సాంగ్స్ అన్ని కూడా శ్రోతలను విశేషంగా ఆకట్టుకున్నాయి. అలరించే కథ, కథనాలతో దర్శకుడు సంపత్ ఈ మూవీని ఎంతో అద్భుతంగా తెరకెక్కించారని, తప్పకుండా విడుదల తరువాత మూవీ అందరినీ ఆకట్టుకుంటుందని యూనిట్ ఆశాభావం వ్యక్తం చేస్తున్నట్లు తెలుస్తోంది.

అయితే విషయం ఏ,ఏమిటంటే, త్వరలో జరుగునున్న ఈ సినిమా ప్రీ రిలీజ్ ఈవెంట్ కి పాన్ ఇండియా స్టార్ ప్రభాస్ రానున్నట్లు లేటెస్ట్ టాలీవుడ్ వర్గాల టాక్. వర్షం సినిమాలో కలిసి నటించినప్పటి నుండి నుండి ప్రభాస్ కి గోపీచంద్ కే మధ్య మంచి సన్నిహిత సంబంధాలు ఏర్పడిన విషయం తెలిసిందే. అలానే గతంలో గోపీచంద్ నటించిన జిల్ మూవీ ఫంక్షన్ కి స్పెషల్ గెస్ట్ గా విచ్చేశారు ప్రభాస్. మరి ప్రస్తుతం ప్రచారం అవుతున్న విధంగా నిజంగానే సీటిమార్ మూవీ ప్రీ రిలీజ్ ఈవెంట్ కి ప్రభాస్ వస్తున్నారా లేదా అనేది తెలియాలి అంటే మూవీ యూనిట్ నుండి అఫీషియల్ గా ప్రకటన రావాల్సిందే అంటున్నారు విశ్లేషకులు.

ఇక ఈ మూవీ ట్రైలర్ ని హీరో రామ్ కొద్దిసేపటిలో ఆవిష్కరించనున్నారు. కాగా ఈ సినిమా వినాయక చవితి పండుగ కానుకగా ఈనెల 10వ తేదీన థియేటర్లలో రిలీజ్ కానున్న విషయం తెలిసిందే. మరి నాలుగేళ్ళ క్రితం గోపీచంద్ తో గౌతమ్ నంద మూవీ తీసి మంచి సక్సెస్ కొట్టిన సంపత్ నంది, ప్రస్తుతం ఈ సీటిమార్ మూవీ ద్వారా ఆయనకు ఎంత మేర సక్సెస్ అందిస్తారో చూడాలి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!