పాన్ ఇండియా స్టార్ ప్రభాస్, హీరో గోపీచంద్ మంచి స్నేహితులనే సంగతి తెలిసిందే. ఈ స్నేహం కోసమే గతంలో ‘జిల్’ అనే సినిమా కూడా చేశాడు. ఆ తరువాత కూడా వీరిద్దరి స్నేహం కొనసాగుతుంది. గోపీచంద్ నటించిన లేటెస్ట్ సినిమా ‘సీటీమార్’ త్వరలోనే ప్రేక్షకుల ముందుకు రానుంది. ఈ సినిమా ప్రీ రిలీజ్ ఈవెంట్ కు ప్రభాస్ వస్తే బాగుటుందనేది గోపీచంద్ ఆలోచన. నిజానికి కరోనా సెకండ్ వేవ్ కి ముందు ‘సీటీమార్’ సినిమాను రిలీజ్ చేయాలనుకున్నారు.
ఈ మేరకు ప్రభాస్ ను అడగడం.. ఆయన ప్రయత్నిస్తానని మాటివ్వడం జరిగిపోయాయి. కానీ సినిమా రిలీజ్ ఆగిపోయింది. ఇప్పుడు ఇన్నాళ్ల తరువాత సినిమా విడుదల కాబోతుంది. సెప్టెంబర్ 3న రిలీజ్ డేట్ ఫిక్స్ చేశారు. ప్రీరిలీజ్ ఈవెంట్ ఈ నెలాఖరులో ఉండే అవకాశం ఉంది. ప్రభాస్ ను కలిసి మరోసారి స్పెషల్ గెస్ట్ గా రావాలని కోరే ఆలోచనలో గోపీచంద్ ఉన్నాడని సమాచారం. అయితే ప్రస్తుతం ప్రభాస్ వరుసగా పాన్ ఇండియా సినిమాలతో బిజీగా ఉన్నాడు.
మరి ఇప్పుడు ఆయనకు రావడానికి వీలు కుదురుతుందో లేదో చెప్పలేని పరిస్థితి. ప్రభాస్ గనుక గెస్ట్ గా వస్తే హడావిడి మాములుగా ఉండదు. ఈ మధ్యకాలంలో ప్రభాస్ బయట ఎక్కడా కనిపించలేదు. ఆయన గెస్ట్ గా వస్తున్నారంటే ఫ్యాన్స్ క్యూ కట్టడం ఖాయం. మరి ఇప్పుడున్న కరోనా టైమ్ లో ఇంత హడావిడికి ప్రభాస్ తావిస్తాడో లేదో చూడాలి!
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home