సీనియర్‌ హీరోయిన్‌, జూనియర్‌ హీరో… ఈ కాన్సెప్ట్‌ బాలీవుడ్‌లో మనం చాలాసార్లు చూశాం. అలాంటి సినిమాలకు విజయాలు దక్కడమూ చూశాం. అయితే ఇలాంటి కాంబినేషన్‌ తెలుగు సినిమాల్లో కనిపించదు. ఇక్కడ సీనియర్‌ హీరో పక్కన కూడా.. కుర్ర హీరోయిన్‌, లేదంటే మధ్య వయసు హీరోయిన్‌ ఉండాల్సిందే. కానీ ప్రభాస్ సినిమాకు సీనియర్‌ హీరోయిన్‌ను అనుకుంటున్నారట. ఇదంతా ఏ సినిమా కోసం అనుకుంటున్నారా? సందీప్ రెడ్డి వంగా ‘స్పిరిట్‌’ సినిమా కోసం.
‘స్పిరిట్‌’ సినిమాలో బాలీవుడ్‌ హీరోయిన్‌ను తీసుకోవాలని సందీప్ రెడ్డి వంగా చాలా రోజుల నుండి ప్రయత్నాలు చేస్తున్నారు. దీని కోసం పరిణీతి చోప్రా, కియారా అడ్వాణీ లాంటి వాళ్ల పేర్లు వినిపించాయి. అయితే తాజాగా కరీనా కపూర్‌ పేరు వినిపిస్తోంది. ఈ ముదురు భామను ‘స్పిరిట్‌’ సినిమాలో తీసుకుంటారని అంటున్నారు. ఇదే మాట బాలీవుడ్‌ జనాలు వింటే.. నైస్‌ కాంబినేషన్‌ ఈడు, జోడు కుదిరింది అనేస్తారు. అయితే ఇలాంటి స్టార్‌ – ముదురు కాంబినేషన్‌లో తెలుగులో వర్కవుట్‌ అవ్వదు.
ముందుగా చెప్పినట్టు మన దగ్గర ఎంత సీనియర్‌ హీరో అయినా.. హీరోయిన్‌గా యువ నాయిక లేదంటే, కాస్త మిడిల్‌ ఏజ్‌ నాయిక ఉండాలి. కరీనా కపూర్‌ లాంటి సీనియర్‌ నాయికలు కష్టమే. ఒకవేళ స్పెషల్ సాంగ్స్‌లో గట్రా చేస్తే ఓకే అనొచ్చు కానీ, ఫుల్‌ ప్లెడ్జ్‌ హీరోయిన్‌ అంటే కష్టమనే మాటలు వినిపిస్తున్నాయి. అయితే కరీనా హీరోయిన్‌ మెటీరియల్‌ కాదా అంటే.. ఆమె ఇప్పటికీ కచ్చితంగా హీరోయిన్‌ మెటీరియలే అని చెప్పొచ్చు. కానీ మన వాళ్లకు ఆ కాంబో అలవాటు లేదంతే.
కరీనా కపూర్‌ రీసెంట్‌గా కొత్త సినిమాలేవీ ఒప్పుకోలేదు. ఎప్పుడో చేసిన ‘లాల్‌ సింగ్ చద్దా’ ఇప్పుడు విడుదలవుతోంది. మరి ఇప్పుడు ‘స్పిరిట్‌’ సినిమాలో నటించడానికి ఓకే చెబుతుందా అనేది చూడాలి. అయితే ‘ఆదిపురుష్‌’లో ప్రభాస్‌కు విలన్‌గా చేసిన సైఫ్‌ అలీ ఖాన్‌ కారణంగానే.. ‘స్పిరిట్‌’లోకి కరీనా వచ్చిందని అంటున్నారు. అయితే ఇక్కడే మరో టాక్‌ కూడా వినిపిస్తోంది. ఆమెను సినిమాలోకి తీసుకున్నది నిజమే కానీ.. హీరోయిన్‌ పాత్ర కోసం కాదు అని అంటున్నారు. ఈ సినిమాలో విలన్‌ లేడీ అని, ఆ పాత్ర కోసం బెబోను కాంటాక్ట్‌ అయ్యారని టాక్‌.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
Home