ఒక సినిమా కథ కావొచ్చు, అందులోని పాత్రలు కావచ్చు దర్శకులు మొదట కొంతమందిని దృష్టిలో పెట్టుకుని రాసుకుంటారు. కానీ ఆ కథని సెట్స్ పైకి తీసుకెళ్లే టైంలో చాలా మార్పులు చోటు చేసుకుంటాయి. ఈ క్రమంలో హీరో హీరోయిన్ అవైలబుల్ ఉండకపోవచ్చు. లేదంటే వాళ్ళకి దర్శకుడు రాసుకున్న కథపై ఆసక్తి కలగకపోవచ్చు. ఇలా మేకింగ్ దశలో చాలా రకాల మార్పులు చోటు చేసుకుంటాయి. ఇటీవల వచ్చిన లెనిన్ సినిమాని గమనిస్తే.. మొదట ఈ సినిమాలో హీరోయిన్ గా శ్రీలీలని అనుకున్నారు.
కానీ కొన్ని కారణాల వల్ల ఆమె తప్పుకోవడం, భాగ్య శ్రీ బోర్సే ఆమె స్థానాన్ని భర్తీ చేయడం జరిగింది. ఆ సినిమా సూపర్ హిట్ అవ్వడంలో భాగ్య శ్రీ రోల్ చాలా కీలకం అయ్యింది. ఆమెకు మొదటి సక్సెస్ దక్కింది. ఇక మరో 2 రోజుల్లో రాబోతున్న చెన్నై లవ్ స్టోరీ విషయంలో కూడా ఇదే సీన్ రిపీట్ అవుతుందనే అభిప్రాయాలు వ్యక్తమవుతున్నాయి. అందుకు కారణం కూడా ఉంది. విషయంలోకి వెళ్తే.. వాస్తవానికి చెన్నై లవ్ స్టోరీ (Chennai Love Story) సినిమాని మొదట బేబీ పెయిర్ అయినటువంటి ఆనంద్ దేవరకొండ, వైష్ణవి చైతన్య కాంబినేషన్లో ప్లాన్ చేశారు. అఫిషియల్ గా అనౌన్స్ చేశారు కూడా.
కానీ కారణాలేంటో తెలీదు.. తర్వాత ఆనంద్ దేవరకొండ, వైష్ణవి చైతన్య ఇద్దరూ ఈ ప్రాజెక్టు నుండీ తప్పుకున్నారు. అటు తర్వాత కొద్దిరోజులకు పరోక్షంగా వైష్ణవి చైతన్య పై ఎస్ కె ఎన్ నెగిటివ్ కామెంట్స్ చేయడం జరిగింది. తర్వాత కవరింగ్ రీజన్ ఇచ్చినా.. అప్పటికే విషయంపై ఆల్మోస్ట్ అందరికీ క్లారిటీ ఇచ్చేసినట్టు అయ్యింది. ఏదైతేనేం.. ఫైనల్ గా కిరణ్ అబ్బవరం, శ్రీ గౌరీ ప్రియా వంటి క్రేజీ హీరో, హీరోయిన్ …లతో సినిమాని తీసి రిలీజ్ చేయబోతున్నాడు ఎస్ కె ఎన్. మరి ఈ మార్పు సినిమాకి ఎంత వరకు కలిసివస్తుందో చూడాలి.
