తొలి సినిమా పటాస్ నుంచి దర్శకుడిగా తెరకెక్కించిన ప్రతి సినిమా బ్లాక్ బస్టర్ హిట్ అయ్యే విధంగా అనిల్ రావిపూడి స్క్రిప్ట్ విషయంలో ఎన్నో జాగ్రత్తలు తీసుకుంటున్న సంగతి తెలిసిందే. గతేడాది సరిలేరు నీకెవ్వరు సినిమాతో మరో విజయాన్ని సొంతం చేసుకున్న అనిల్ రావిపూడి ఎఫ్2 సినిమాలోని పాత్రలతో ఎఫ్3 సినిమాను తెరకెక్కిస్తున్నారు. ఈ సినిమా ఎఫ్2 సినిమాకు సీక్వెల్ అని చాలామంది భావించినా ఒక ఇంటర్వ్యూలో అనిల్ రావిపూడి ఈ సినిమా సీక్వెల్ కాదని స్పష్టతనిచ్చారు.
వెంకటేష్, వరుణ్ తేజ్, తమన్నా, మెహ్రీన్ ఎఫ్3 సినిమాలో ముఖ్య పాత్రల్లో నటిస్తున్నారు. మొదట ఈ సినిమాలో వెంకటేష్, వరుణ్ తేజ్ లతో పాటు మరో హీరో ఉంటాడని ప్రచారం జరిగింది. అయితే ఈ సినిమాలో ముడో హీరో లేకపోయినా మూడో హీరో అంతటి ప్రాముఖ్యత ఉన్న పాత్రలో సునీల్ నటిస్తున్నారు. ఒకప్పుడు కమెడియన్ రోల్స్ లో ఎక్కువగా నటించిన సునీల్ హీరోగా వరుస సక్సెస్ లు వచ్చిన తరువాత ఆ పాత్రలకు దూరమయ్యారు.
అయితే హీరోగా ఆశించిన స్థాయిలో సక్సెస్ కాకవడంతో గత కొన్నేళ్ల నుంచి అన్ని రకాల పాత్రల్లో సునీల్ నటిస్తున్నారు. విలన్ పాత్రల్లో కూడా నటించి సునీల్ మెప్పిస్తూ ఉండటం గమనార్హం. ఎఫ్3 మూవీలో సునీల్ ఫుల్ లెంగ్త్ రోల్ లో ప్రేక్షకులను కడుపుబ్బా నవ్విస్తాడని తెలుస్తోంది. వెన్నెల కిషోర్, రాజేంద్ర ప్రసాద్ కూడా ఈ సినిమాలో కీలక పాత్రల్లో నటిస్తున్నారు. ఈ సినిమాలో ఎఫ్2 సినిమాను మించిన ఎంటర్టైన్మెంట్ ఉంటుందని సమాచారం. దాదాపుగా ఎఫ్3 సినిమా షూటింగ్ పూర్తి కాగా పాటలు, క్లైమాక్స్ సన్నివేశం చిత్రీకరించాల్సి ఉందని తెలుస్తోంది. ఈ మధ్య కాలంలో సునీల్ ఎక్కువ సంఖ్యలో సినిమాల్లో నటిస్తున్నా అతని పాత్రలకు పెద్దగా గుర్తింపు రావడం లేదు. ఎఫ్3 సినిమాతో సునీల్ జాతకాన్ని అనిల్ రావిపూడి మారుస్తారేమో చూడాల్సి ఉంది.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home