థియేటర్లలో కాదని ఓటీటీకి ‘నారప్ప’ వచ్చినప్పుడు అందరూ ఎంతగా ఆందోళన వ్యక్తం చేశారో గుర్తుందా? ఆ సమయంలో వెంకటేశ్ తర్వాతి సినిమా ‘దృశ్యం 2’ కూడా ఓటీటీకి వస్తుంది అంటూ వార్తలు వచ్చేసరికి థియేటర్లు, ప్రదర్శనకారులకు ఇంకా ఆగ్రహం వచ్చింది. అయితే తర్వాత ‘దృశ్యం ’ గురించి పెద్దగా ఎక్కడా వార్తలు రాలేదు. అయితే ఇటీవల వస్తున్న వార్తల ప్రకారం చూసుకుంటే… అప్పటి పరిస్థితి రాదేమో. అంతేకాదు అన్నీ కుదిరితే నెక్స్ట్ ఫెస్టివల్కే ఆ సీన్ రావొచ్చట.
నిజానికి ‘దృశ్యం 2 ’కి ఇప్పుడిప్పుడే డేట్స్ ఖాళీగా లేవని ఈ మధ్య వార్తలొచ్చాయి. నెక్స్ట్ సీజన్ దసరాకు బాలకృష్ణ సినిమా ‘అఖండ’ వస్తుందని అన్నారు. అయితే ఆ సినిమా ఆ రోజుకు పూర్తయ్యే పరిస్థితి లేదంటున్నారు. తాజాగా సినిమా ఆఖరి (?) షెడ్యూల్ గోవాలో స్టార్ట్ చేస్తారని టాక్ నడుస్తోంది. దీంతో ఆ సినిమా దసరాకు రావడం కష్టమే అనే వార్తలు వస్తున్నాయి. దీంతో వెంకటేశ్కు లైన్ క్లియర్ అంటున్నారు.
‘దృశ్యం 2’ ఇప్పటికే సిద్ధమైంది. రెండో లాక్డౌన్ వెసులుబాటు కల్పించినప్పుడే సినిమాను పూర్తి చేశారు. ఎప్పుడెప్పుడు విడుదల చేద్దామా అని నిర్మాత సురేశ్బాబు వెయిట్ చేస్తున్నారు. అయితే మధ్యలో ఓటీటీ ఆఫర్ వచ్చింది. దానికి ఓకే అన్నారని వార్తలొచ్చినా… ఇప్పుడు మనసు మార్చుకొని ఫెస్టివల్కు థియేటర్లలో వస్తారని అంటున్నారు. దీనిపై త్వరలో క్లారిటీ రానుంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
