సౌత్ సినిమా ఇండస్ట్రీలో గత కొన్ని రోజులుగా వినిపిస్తున్న ఆసక్తికర పుకారు వెట్రిమారన్ సినిమా. ఏ తమిళ సినిమానో అయి ఉంటే.. ఆ ఇండస్ట్రీలో మాత్రమే సందడి ఉండేది. అయితే ఆ సినిమా మల్టీస్టారర్‌ అని, ఓ తెలుగు హీరో, ఓ తమిళ హీరో కలసి చేస్తారని పుకార్లు రావడంతో ఆసక్తి కలిగింది. తాజాగా ఈ ప్రాజెక్ట్‌పై క్లారిటీ వస్తుంది అని అంటున్నారు. ఒకట్రెండు రోజుల్లో ఈ సినిమా గురించి వెట్రిమారన్ నుండి కానీ, నిర్మాణ సంస్థ నుండి కానీ ప్రకటన విడుదలయ్యే అవకాశం ఉంది అంటున్నారు.
ఆ సినిమా ఏంటో మీకు తెలుసుగా.. తారక్‌ & ధనుష్ కాంబో. కొన్ని కాంబినేషన్లు వినగానే అదిరింది అనిపిస్తాయి. అలాంటి వాటిలో ధనుష్ – వెట్రిమారన్ – తారక్‌ కాంబో ఒకటి. ఏదో చిన్నపాటి పుకారులా మొదలైన ఈ ప్రాజెక్ట్‌ గత కొన్ని రోజులుగా అయితే ఎలాంటి సమాచారం లేదు. ఉందన్నారు, తర్వాత లేదన్నారు, డౌటన్నారు, ఉంటాదన్నారు.. ఇలా చాలా చెప్పినా.. సరైన వివరాలు అయితే రాలేదు.
ముగ్గురూ కలసి సినిమా చేస్తారా, లేక ఒక్కో భాషలో ఒక్కో హీరోను పెట్టి సినిమా చేస్తారా లాంటి డౌట్స్‌ కూడా వచ్చాయి. వీటిపై ఒకట్రెండు రోజుల్లో క్లారిటీ రావొచ్చు అంటున్నారు. జూనియర్ ఎన్టీఆర్ ధనుష్ కాంబినేషన్ లో కల్ట్ దర్శకుడు వెట్రిమారన్ ఒక భారీ మల్టీ స్టారర్ ప్లాన్ చేశారనేది దాని సారాంశం. వెట్రిమారన్ – సూరి కాంబినేషన్లో రూపొందిన ‘విడతలై’ అనే సినిమా ఆడియో ఫంక్షన్‌ మార్చి 8న నిర్వహిస్తున్నారు.
ఆ వేదిక మీద వెట్రిమారన్ నెక్స్ట్‌ మూవీ అనౌన్స్‌ చేస్తారు అని టాక్‌. అది తారక్‌ – ధనుష్ సినిమానే అని చెబుతున్నారు. అయితే ఈ విషయంలో తమిళనాట మాత్రం ఎలాంటి సమాచారం లేదు. వెట్రిమారన్ కొన్ని నెలల క్రితం తారక్‌ను కలిసి ఓ కాన్సెప్ట్‌ చెప్పారట. ఆ వెంటనే ధనుష్‌ను కూడా కలిశారట. దీంతో ఈ ఇద్దరినీ పెట్టి సినిమా చేస్తున్నారు అంటూ ప్రచారం మొదలైంది.
అంతేకాదు ఆ సినిమా వెట్రిమారన్ బ్లాక్‌బస్టర్‌ ‘వడ చెన్నై’కి సీక్వెల్‌ అని కూడా అంటున్నారు. ఈ మేరకు ఆ సినిమా స్క్రిప్ట్ వర్క్ కూడా పూర్తి చేశారట. కోలీవుడ్‌లో వచ్చిన బెస్ట్ గ్యాంగ్ స్టర్స్ సినిమాల్లో ‘వడ చెన్నై’ ఒకటి. మరి నిజంగానే ఈ కాంబోలో సినిమా ఉంటుందా అనేది చూడాలి.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
Home