విశ్వక్ సేన్ హీరోగా నరేష్ కుప్పిలి దర్శకత్వంలో తెరకెక్కిన ‘పాగల్’ చిత్రం రెండు రోజుల క్రితం అంటే ఆగష్ట్ 14న రిలీజ్ అయ్యి ప్లాప్ టాక్ ను మూటకట్టుకుంది. అయినప్పటికీ మొదటి రోజు ఈ చిత్రానికి మంచి కలెక్షన్లు నమోదయ్యాయి.రెండో రోజున మాత్రం ఆదివారం రోజు సెలవు ఉన్నప్పటికీ.. సినిమా కలెక్షన్లు దారుణంగా పడిపోయాయి.దీనికి ప్రధాన కారణం హీరో విశ్వక్ సేన నే చెప్పాలి. ఇక్కడ సినిమా రిజల్ట్.. అనే పక్కన పెడితే.. విశ్వక్ సేన్ ఆటిట్యూడ్ కారణంగా ఈ సినిమా మేకర్స్ ను దారుణంగా ట్రోల్స్ చేస్తున్నారు నెటిజన్లు.
‘పాగల్’ ప్రీ రిలీజ్ వేడుకలో అతని స్పీచ్ గురించి అందరూ ఇప్పటికీ మాట్లాడుకుంటూనే ఉన్నారు. ‘సర్కస్‌లో సింహంతో ఎవడైనా ఆడుకుంటాడు.. నేను అడవికి వెళ్లి మరీ సింహంతో ఆడుకునే టైపు.కోవిడ్ సెకండ్ వేవ్ కారణంగా మూతపడ్డ అన్ని థియేటర్లని తెరిపిస్తా..! అమ్మతోడు.. నా పేరు విశ్వక్ సేన్.. సినిమా మామూలుగా ఉండదు.. నా లెక్క తప్పైతే పేరు మార్చుకుంటా..’ అంటూ అతను చెప్పుకొచ్చాడు. నిన్నటి నుండీ ఈ స్పీచ్ పై బోలెడన్ని సెటైర్లు, మీమ్స్ పుట్టుకొస్తున్నాయి.
కేవలం విశ్వక్ సేన్ మాత్రమే కాదు దిల్ రాజు వంటి బడా నిర్మాత కూడా ఈ చిత్రాన్ని ఓ ‘ఆర్య’ తో పోలుస్తూ ప్రమోట్ చేయడం జీర్ణించుకోలేకపోతున్నారు నెటిజన్లు. ‘అర్జున్ రెడ్డి’ ప్రీ రిలీజ్ వేడుకలో విజయ్ దేవరకొండ ఆటిట్యూడ్ చూపించాడు అని ఇతను కూడా అతన్ని ఫాలో అవుతున్నట్టు, ఇమిటేట్ చేస్తున్నట్టు ఉంది తప్ప.. అది సినిమాలకు కలిసొచ్చేది అయితే కాదు. ‘ఎంత ఎదిగినా ఒదిగి ఉండాలి’ అనే ప్రిన్సిపుల్ ని విశ్వక్ సేన్ ఫాలో అయితే బెటర్. లేదంటే కష్టమే అని కొందరు విశ్లేషకులు తమ అభిప్రాయాన్ని వ్యక్తం చేస్తున్నారు..!
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
