డాలీ దర్శకత్వంలో పవర్ స్టార్ పవన్ కళ్యాణ్ నటిస్తున్న కాటమ రాయుడు సినిమా వేగం పుంజుకుంది. నేటి నుంచి ఈ చిత్రం రెండో షెడ్యూల్ మొదలైంది. ఈ షూటింగ్ లో 24 నుంచి పవన్ పాల్గొననున్నారు. శరత్ మరార్ నిర్మిస్తున్న ఈ చిత్రంలో పవర్ స్టార్ ఫ్యాక్షనిస్ట్ గా కనిపించనున్నారు. ఇందులో పవన్ యాక్షన్ కే పరిమితం కాకుండా ఇద్దరు హీరోయిన్లతో రొమాన్స్ చేయనున్నారు. ఒక ప్రియురాలిగా శృతిహాసన్ ఎప్పుడో ఖరారు అయింది.
రెండో భామను తాజాగా ఎంపిక చేశారు. కీచక, టైటానిక్ సినిమాల్లో క్యూట్ గా కనిపించి యువకుల మనసు దోచుకున్న యామిని భాస్కర్ పవన్ కళ్యాణ్ ని ముగ్గులోకి దింపనుంది. ఈమె కూడా త్వరలో షూటింగ్ లో జాయిన్ కానున్నట్లు సమాచారం.యువ హీరోలు శర్వానంద్, నవీన్ చంద్ర, విజయ్ దేవరకొండ లు పవన్ కి తమ్ముళ్లుగా నటిస్తున్న ఈ మూవీకి అనూప్ రూబెన్స్ సంగీత మందిస్తున్నారు. త‌మిళంలో అజిత్ హీరోగా వ‌చ్చిన “వీర‌మ్” సినిమా కథకు రాయల సీమ నేపథ్యాన్ని జోడించి పవన్ అభిమానుల అంచనాలకు మించేలా “కాట‌మ‌రాయుడు”ని డాలీ తెరకెక్కిస్తున్నారు.
Home