కేజీఎఫ్ ఛాప్టర్1 తో భాషతో సంబంధం లేకుండా అన్ని భాషల్లో యశ్ అభిమానులను సంపాదించుకున్నారు. కేజీఎఫ్ ఛాప్టర్2 సినిమాకు రికార్డు స్థాయిలో ప్రీ రిలీజ్ బిజినెస్ జరగగా ఈ సినిమా అంచనాలను మించి కలెక్షన్లను సొంతం చేసుకుంటుందని ఫ్యాన్స్ భావిస్తున్నారు. ఆర్ఆర్ఆర్ మూవీ హవా తగ్గే సమయానికి ప్రపంచవ్యాప్తంగా కేజీఎఫ్ ఛాప్టర్2 విడుదల కానుంది. ఫస్ట్ పార్ట్ ను మించి ఈ సినిమా సక్సెస్ సాధిస్తుందని ఫ్యాన్స్ భావిస్తున్నారు.
ఈ సినిమా ట్రైలర్ ఆర్ఆర్ఆర్ ట్రైలర్ క్రియేట్ చేసిన రికార్డులను సైతం బ్రేక్ చేసిన సంగతి తెలిసిందే. కేజీఎఫ్ ఛాప్టర్1 తో పోల్చి చూస్తే కేజీఎఫ్ ఛాప్టర్2 సినిమాలో మరిన్ని ప్రత్యేకతలు ఉండటంతో అభిమానులు ఈ సినిమా కొరకు మరింత ఆసక్తిగా ఎదురుచూస్తున్నారు. రవీనా టాండన్, ప్రకాష్ రాజ్, రావు రమేష్, సంజయ్ దత్ ఈ సినిమాలో కీలక పాత్రల్లో నటిస్తుండటం గమనార్హం. కేజీఎఫ్2 ట్రైలర్ కు యశ్ వైలెన్స్ గురించి చెప్పిన డైలాగ్ హైలెట్ గా నిలిచింది.
అయితే ఈ డైలాగ్ ను స్వయంగా యశ్ రాశాడని దర్శకుడు ప్రశాంత్ నీల్ చెప్పుకొచ్చారు. యశ్ కు ప్రేక్షకులకు ఎలాంటి డైలాగ్స్ నచ్చుతాయో బాగా తెలుసని ప్రశాంత్ నీల్ కామెంట్లు చేశారు. యశ్ అలాంటి డైలాగ్ లను తనే అలోచించి సొంతంగా రాశాడని ప్రశాంత్ నీల్ చెప్పుకొచ్చారు. సినిమాలో కొన్ని డైలాగ్ లను యశ్ రాశాడని కేజీఎఫ్ ఛాప్టర్2 కోసం యశ్ చాలా కష్టపడ్డాడని ప్రశాంత్ నీల్ అన్నారు. యశ్ ప్రతిభ గురించి తెలిసి నెటిజన్లు సైతం అవాక్కవుతున్నారు.
యశ్ మల్టీ టాలెంటెడ్ అంటూ సోషల్ మీడియా వేదికగా అతని ఫ్యాన్స్ కామెంట్లు పెడుతున్నారు. కేజీఎఫ్2 తో యశ్ మరో ఇండస్ట్రీ హిట్ ను ఖాతాలో వేసుకోవాలని అతని అభిమానులు కోరుకుంటున్నారు. యశ్ కష్టానికి తగ్గ ఫలితం ఈ సినిమాతో దక్కుతుందని ఫ్యాన్స్ అనుకుంటున్నారు. సినిమాసినిమాకు యశ్ కు క్రేజ్ అంతకంతకూ పెరుగుతున్న సంగతి తెలిసిందే.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
