పవర్ స్టార్ పవన్ కళ్యాణ్ (Pawan Kalyan) హీరోగా ‘హరిహర వీరమల్లు’ (Hari Hara Veera Mallu) మొదలైంది. ఇది అతని కెరీర్లో 27వ సినిమాగా మొదలైంది. క్రిష్ (Krish Jagarlamudi) దర్శకత్వంలో మొదలైన ఈ సినిమా పవన్ కళ్యాణ్ పొలిటికల్ షెడ్యూల్స్ వల్ల డిస్టర్బ్ అయ్యింది. 5 ఏళ్ళైనా ఈ సినిమా రిలీజ్ కాలేదు. తర్వాత మొదలైన ‘భీమ్లా నాయక్’ (Bheemla Nayak) ‘బ్రో’ (BRO) సినిమాలు రిలీజ్ అయిపోయాయి. ‘హరిహర వీరమల్లు’ లెక్కలు తేలట్లేదు అని భావించి మధ్యలో దర్శకుడు క్రిష్ తప్పుకున్నాడు.
ఆ తర్వాత జ్యోతి కృష్ణ Jyothi Krishna) అలియాస్ రత్నం కృష్ణ దర్శకత్వ బాధ్యతలు స్వీకరించాడు. టెక్నికల్ గా రత్నం కృష్ణ సూపర్ టాలెంటెడ్. అభిమానులకి ఎలాంటి ఎలిమెంట్స్ కావాలన్నది పవన్ కళ్యాణ్ కి బాగా తెలుసు. అందుకే నిర్మాత ఏ.ఎం.రత్నం (AM Rathnam) భారం వారిపై వేసేశాడు. మొత్తానికి సినిమా కంప్లీట్ అయ్యింది. జూన్ 12న రిలీజ్ కాబోతుంది. చాలా కాలం తర్వాత వస్తున్న పెద్ద సినిమా కాబట్టి.. ‘హరిహర వీరమల్లు’ కి భారీ ఓపెనింగ్స్ వచ్చే అవకాశం ఉంది.
అయితే ‘హరిహర వీరమల్లు’ సినిమా బిజినెస్ అలాగే బడ్జెట్ లెక్కల సంగతి ఏంటి? అనే డౌట్ చాలా మందిలో ఉంది. అందుతున్న సమాచారం ప్రకారం.. దీనికి రూ.150 కోట్లు బడ్జెట్ అనుకుంటే.. ఫైనల్ గా ఇంట్రెస్ట్..లు వంటి వాటితో కలుపుకుని రూ.200 కోట్లు అయ్యిందట. అమెజాన్ ప్రైమ్ వీడియో సంస్థ రూ.50 కోట్లకు డిజిటల్ రైట్స్ తీసుకుంది. అందుకే థియేట్రికల్ రైట్స్ రూపంలో నిర్మాత రూ.125 కోట్ల వరకు ఆశిస్తున్నట్టు తెలుస్తుంది. కానీ అంత బిజినెస్ అయ్యేలా అయితే కనిపించడం లేదు.
Home