Vishwambhara: విశ్వంభర రిలీజ్.. న్యూ టార్గెట్ లో మేకర్స్!

మెగాస్టార్ చిరంజీవి  (Chiranjeevi) నటిస్తున్న సోషియో-ఫాంటసీ చిత్రం ‘విశ్వంభర’ (Vishwambhara) రిలీజ్‌ కోసం అభిమానులు చాలా కాలంగా ఎదురుచూస్తున్నారు. దర్శకుడు వశిష్ట (Mallidi Vasishta) రూపొందిస్తున్న ఈ సినిమా, యూవీ క్రియేషన్స్ బ్యానర్‌పై భారీ బడ్జెట్‌తో తెరకెక్కుతోంది. త్రిష(Trisha), కునాల్ కపూర్, అషికా రంగనాథ్ (Ashika Ranganath) కీలక పాత్రల్లో నటిస్తున్న ఈ చిత్రం, సంక్రాంతి 2025లో విడుదల కావాల్సి ఉండగా, ఆలస్యం అవుతూ వస్తోంది. ఈ సినిమా షూటింగ్ పూర్తైనప్పటికీ, పోస్ట్-ప్రొడక్షన్ పనుల్లో ఆటంకాలు విడుదలను వాయిదా వేస్తున్నాయి.

Vishwambhara

ప్రధానంగా ‘విశ్వంభర’ సినిమాకు అవసరమైన భారీ వీఎఫ్‌ఎక్స్ పనులు ఆలస్యానికి కారణమవుతున్నాయి. హైదరాబాద్, హాంకాంగ్‌లో ఈ వీఎఫ్‌ఎక్స్ పనులు జరుగుతున్నాయి, అయితే ఊహించిన దాని కంటే ఎక్కువ సమయం పడుతుందని సమాచారం. గతంలో విడుదలైన టీజర్‌లో వీఎఫ్‌ఎక్స్ నాణ్యతపై విమర్శలు రావడంతో, మేకర్స్ మరింత జాగ్రత్తగా వ్యవహరిస్తున్నారు. హాలీవుడ్ స్థాయి వీఎఫ్‌ఎక్స్ కంపెనీలతో కలిసి పనిచేస్తూ, సినిమాను విజువల్ స్పెక్టాకిల్‌గా తీర్చిదిద్దేందుకు రూ. 75 కోట్లు ఖర్చు చేస్తున్నారని తెలుస్తోంది.

వీఎఫ్‌ఎక్స్‌తో పాటు, ఇంకా కొన్ని షూటింగ్ షెడ్యూల్స్, రీ-రికార్డింగ్ పనులు పూర్తి కావాల్సి ఉంది. సినిమా పోస్ట్-ప్రొడక్షన్ షెడ్యూల్ ఊహించిన దాని కంటే వెనుకబడి ఉందని, దీని వల్ల మేకర్స్ గతంలో ప్లాన్ చేసిన మే, జూలై, ఆగస్టు రిలీజ్ డేట్లను వాయిదా వేశారని సమాచారం. తాజాగా, సెప్టెంబర్ 25 విడుదల చేసేందుకు మేకర్స్ లక్ష్యంగా పెట్టుకున్నారని, అన్ని పనులు సజావుగా సాగితే ఈ డేట్‌ను ఖరారు చేసే అవకాశం ఉందని ఫిల్మ్ నగర్ వర్గాలు చెబుతున్నాయి. ఈ ఆలస్యాలు అభిమానులను నిరాశపరుస్తున్నప్పటికీ, సినిమా కోసం మేకర్స్ తీసుకుంటున్న జాగ్రత్తలు భవిష్యత్తులో మంచి ఫలితాలను ఇస్తాయని అంటున్నారు.

ఇటీవల విడుదలైన ‘రామ రామ’ అనే భక్తి పాట అభిమానుల్లో సినిమాపై ఆసక్తిని మరింత పెంచింది. ఈ సినిమా ఆస్కార్ విజేత ఎం.ఎం. కీరవాణి (M. M. Keeravani)  సంగీతంతో, త్రిష, కునాల్ కపూర్, అషికా రంగనాథ్‌లతో రూపొందుతోంది. సెప్టెంబర్ రిలీజ్ కోసం మేకర్స్ తమ వంతు ప్రయత్నాలు చేస్తున్నారు, అయితే ఓటీటీ డీల్స్ ఇంకా ఖరారు కాకపోవడం కూడా ఒక సవాలుగా మారింది. మరి ఈ విషయంలో నిర్మాతలు ఏ విధంగా ప్లాన్ చేసుకుంటారో చూడాలి.