సంక్రాంతికి రానున్న నాలుగు పెద్ద సినిమాలు!

ఈ సంవత్సరం సంక్రాంతికి నాలుగు సినిమాలు రిలీజ్ అయి ప్రేక్షకులకు వినోదాన్ని పంచాయి. వచ్చే ఏడాదికి కూడా నాలుగు చిత్రాలు సందడి చేయడానికి సిద్ధమవుతున్నాయి. నాలుగు నెలల ముందే 2018 సంక్రాంతికి రిలీజ్ అయ్యే సినిమాలపై స్పష్టత రావడం విశేషం. పవన్‌ కల్యాణ్‌, త్రివిక్రమ్‌ శ్రీనివాస్ కాంబినేషన్లో  ఓ చిత్రం రూపుదిద్దుకొంటోంది. ఇంకా పేరు ఖరారు చేయని ఈ మూవీ పెద్ద పండుగకు రాబోతోంది. తెలుగులో సంక్రాంతి హీరోగా పేరొందిన నందమూరి బాలకృష్ణ ఈసారి కూడా బరిలోకి దిగనున్నారు. ఈ సంవత్సరం “గౌతమిపుత్ర శాతకర్ణి” విజయంతో జోష్ లో ఉన్న బాలయ్య పైసా వసూల్ సినిమాతో పాటు ‘ కె ఎస్ రవికుమార్ దర్శకత్వంలో 102వ చిత్రాన్ని మొదలెట్టారు. దీనికి సంక్రాంతికి  రిలీజ్ చేస్తున్నట్లు నిర్మాత  సి.కల్యాణ్‌ ప్రకటించారు.

ఈ ఏడాది నిర్మాతగా విజయం అందుకున్న రామ్‌ చరణ్‌  2018  సంక్రాంతి కి కూడా హిట్ అందుకోవాలని ప్లాన్ చేశారు. సుకుమార్‌ దర్శకత్వంలో చేస్తున్న “రంగస్థలం 1985 ” సినిమాని ముగ్గుల పండుగనాడు విడుదల చేయనున్నారు. మహేష్ బాబు కూడా సంక్రాంతిపై గురి పెట్టారు. కొరటాల శివ దర్శకత్వంలో తాను నటిస్తున్న భరత్ అనే నేను మూవీని అప్పుడే రిలీజ్ చేయడానికి ఫిక్స్ అయ్యారు. కాబట్టి వచ్చే సంక్రాంతికి సినిమాల మధ్య గట్టి పోటీ ఉండనుంది.

Also, do SUBSCRIBE to our YouTube channel to get latest Tollywood updates.