ప్రభాస్ – మారుతి కాంబినేష‌న్‌లో ఓ సినిమా రూపొందుతున్న సంగతి తెలిసిందే. ‘పీపుల్ మీడియా ఫ్యాక్టరీ’ బ్యానర్ పై వివేక్ కూచిభొట్ల, విశ్వ ప్రసాద్ లు కలిసి ఈ చిత్రాన్ని నిర్మిస్తున్నారు. కానీ ఇప్పటి వరకు ఈ ప్రాజెక్టుని అధికారికంగా ప్రకటించింది లేదు. ప్రకటించకపోవడానికి కారణం ఏంటో తెలీదు. కొంతమంది ప్రభాస్ ఫ్యాన్స్ కు ఈ ప్రాజెక్టు ఒకటి ఉంది అన్న విషయాన్ని కూడా గుర్తుచేసుకోవడం లేదు. అందుకు కారణం దర్శకుడు మారుతీ ఫామ్లో లేకపోవడం వల్లనే అని చెప్పాలి.
ఈ సినిమాలో ప్రభాస్ (Prabhas) గెట‌ప్‌.. క్యారెక్ట‌రైజేష‌న్ కొత్త‌గా ఉంటుందని తెలుస్తుంది. మారుతీ – ప్రభాస్ చాలా కొత్త ప్రయత్నం చేస్తున్నారు. అదే క్రమంలో ప్రభాస్ నుండి ఆశించే అన్ని కమర్షియల్ ఎలిమెంట్స్ ఇందులో పుష్కలంగా ఉండబోతున్నాయని వినికిడి. ప్ర‌స్తుతం ఈ చిత్రం షూటింగ్ హైద‌రాబాద్ లో జ‌రుగుతోంది. ప్రభాస్ కూడా… షూటింగ్ లో పాల్గొంటున్నాడు.
ఇక ఈ చిత్రం కోసం 3 టైటిల్స్ ను ఫిక్స్ చేశాడు మారుతీ.`రాజా డీల‌క్స్` ఆల్రెడీ ప్రచారంలో ఉంది. కానీ ఆ టైటిల్ కీ ఈ సినిమాకి సంబంధ‌మే లేదు. మారుతీ అనుకున్న 3 ప‌వ‌ర్‌ఫుల్ టైటిల్స్ లో ఇది లేనే లేదు అని సమాచారం.ఇటీవల ఆ మూడు టైటిల్స్ ను టైటిల్స్ లోగోల‌తో సహా డిజైన్ చేసి ప్రభాస్ ముందు పెట్టాడట మారుతీ.
ఈ మూడు కూడా ఇంగ్లిష్ టైటిల్సే అని తెలుస్తుంది. పాన్ ఇండియా సినిమా కాబట్టి.. అన్ని భాషల్లోని ప్రేక్షకులకు రీచ్ అయ్యేలా టైటిల్స్ ఉండాలి కాబట్టి.. ఈ మూడు టైటిల్స్ లో ఒకటి ఫిక్స్ అవుతుంది. మంచి ముహూర్తం చూసుకుని టైటిల్ తో సహా ఈ ప్రాజెక్టుని అనౌన్స్ చేసే పనిలో చిత్రబృందం ఉంది.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
