తేజ సజ్జా ప్రశాంత్ వర్మ కాంబోలో కొన్నేళ్ల క్రితం తెరకెక్కిన జాంబీ రెడ్డి హిట్ కాగా హనుమాన్ సినిమా ఆ సినిమాను మించిన విజయాన్ని సాధించిన సంగతి తెలిసిందే. హనుమాన్ సంచలనాలు ఇప్పటికీ కొనసాగుతుండగా ఈ సినిమా విడుదలై ఇప్పటికే 30 రోజులైంది. ఈ సినిమా 300 స్క్రీన్లలో ఇప్పటికీ ప్రదర్శితమవుతోంది. ఎంత పెద్ద హిట్టైనా రెండు మూడు వారాలు ఆడితే గొప్ప అనుకునే ఈ కాలంలో హనుమాన్ మూవీ మాత్రం ఇప్పటికీ రికార్డ్ స్థాయి స్క్రీన్లలో ప్రదర్శితమవుతోంది.
హనుమాన్ సినిమాకు ఇప్పటికీ వస్తున్న అద్భుతమైన రెస్పాన్స్ ను చూసి థియేటర్ల ఓనర్లు సైతం ఒకింత ఆశ్చర్యానికి గురవుతున్నారని తెలుస్తోంది. ఈ సినిమాకు వచ్చిన కలెక్షన్లలో మేజర్ కలెక్షన్లు హనుమాన్ తెలుగు వెర్షన్ కలెక్షన్లు కావడం గమనార్హం. తేజ సజ్జా, ప్రశాంత్ వర్మ ఈ సినిమా కోసం చేసిన నెక్ట్స్ లెవెల్ ప్రమోషన్స్ ఈ సినిమాకు ప్లస్ అయ్యాయని చెప్పవచ్చు.
తేజ సజ్జా హనుమాన్ సినిమాకు పరిమితంగానే రెమ్యునరేషన్ తీసుకున్నారని అయితే పెరిగిన మార్కెట్ దృష్ట్యా తేజ సజ్జా పారితోషికం కూడా పెరిగిందని తెలుస్తోంది. ప్రశాంత్ వర్మ తేజ సజ్జా కాంబినేషన్ క్రేజీ కాంబినేషన్ అని ఫ్యాన్స్ సైతం సోషల్ మీడియా వేదికగా కామెంట్లు చేస్తుండటం గమనార్హం. ఈ సినిమా ఎక్కువ సంఖ్యలో థియేటర్లలో ప్రదర్శితమవుతూ ఈ మధ్య కాలంలో ఏ సినిమాకు సులువుగా సాధ్యం కాని రికార్డ్ ను క్రియేట్ చేసిందని కామెంట్లు వినిపిస్తున్నాయి.
హనుమాన్ (Hanu Man) కలెక్షన్లు ఇప్పటికే 300 కోట్ల రూపాయల మార్కును దాటగా రాబోయే రోజుల్లో ఈ సినిమా 350 కోట్ల రూపాయల గ్రాస్ కలెక్షన్ల మార్కును బ్రేక్ చేస్తుందని ఫ్యాన్స్ ఫీలవుతున్నారు. హనుమాన్ మూవీ కథ, కథనం అద్భుతంగా ఉండటం, విజువల్ ఎఫెక్ట్స్ కళ్లు చెదిరేలా ఉండటం, అద్భుతమైన యాక్షన్ సీన్స్ వల్లే ఈ సినిమా ఈ రేంజ్ లో విజయం సాధించిందని చెప్పవచ్చు.
యాత్ర 2 సినిమా రివ్యూ & రేటింగ్!
ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!
Home