బిగ్ బాస్ హౌస్ లో 6వ వారం నామినేషన్స్ అరుపులతో హోరెత్తిపోయింది. పాయింట్ లు మాట్లాడుకుంటూ గొంతు పోయేలా హౌస్ మేట్స్ వాదించుకున్నారు. ముఖ్యంగా సుదీప ఎక్కడా తగ్గకుండా అందరికీ సమాధానం చెప్తూ రెచ్చిపోయింది. హౌస్ లో ఈసారి నామినేషన్స్ ప్రతి సీజన్ లాగానే ఫోమ్ ఫేస్ పైన రాసి ఇద్దరిని నామినేట్ చేయాలని చెప్పాడు బిగ్ బాస్. దీంతో ఒక్కొక్కరు ఇద్దరిని సెలక్ట్ చేసుకుని గత వారంలో జరిగిన విషయాలపై ఆర్గ్యూ చేసుకున్నారు. ఇక్కడే కీర్తిభట్, ఆదిరెడ్డి, ఇంకా గీతు ఈ ముగ్గురిని హౌస్ మేట్స్ టార్గెట్ చేస్తూ , రీజన్స్ ని లాజిక్స్ ని వెతుకుతూ ఎక్కువమంది ఇంటి సభ్యులు నామినేట్ చేశారు. ఎవరు ఎవర్ని నామినేట్ చేశారంటే.,
మొదట ఈవారం కెప్టెన్ అయిన రేవంత్ సుదీపని ఇంకా బాలాదిత్యని నామినేట్ చేశాడు. ఆదివారం తన మెడలో వేసిన సామెతని కారణంగా చెప్తూ ఇద్దరినీ నామినేట్ చేశాడు. ఇక్కడే సుదీపకి ఇంకా రేవంత్ కి వీరలెవల్లో ఆర్గ్యూమెంట్ జరిగింది. ఒక పట్టాన ఎక్కడా వీళ్ల వాగ్వివాదం తెగేలా కనిపించలేదు. దీంతో హౌస్ మేట్స్ ఫస్ట్ నామినేషన్ కే అలసి పోయారు. ఆ తర్వాత కీర్తి గీతురాయల్ ఇంకా శ్రీసత్యలని నామినేట్ చేసింది. ఆదిరెడ్డి మెరీనా ఇంకా కీర్తిలని నామినేట్ చేశాడు. చాలాసేపు మెరీనా విషయంలో వాదన పెట్టుకున్నాడు.
మంచితనంతో ఆటలో ముందుకు వెళ్తున్నారని, అది గేమ్ ని దెబ్బకొట్టేస్తోందని రీజన్ చెప్పాడు. అంతేకాదు, ఆదివారం జరిగిన హిట్ ఫ్లాప్ ఆటలో అసలు ఫైమాని వదిలేసి హౌస్ మేట్స్ మెరీనాకి హిట్ ఎందుకు ఇచ్చారో అర్ధం కాలేదని రీజన్ చెప్తూ చాలాసేపు ఆర్గ్యూ చేశాడు. తర్వాత రోహిత్ శ్రీహాన్ ఇంకా ఆదిరెడ్డిలని నామినేట్ చేశాడు. సుదీప ఆదిరెడ్డి ఇంకా కీర్తిలని నామినేట్ చేసింది.
శ్రీహాన్ – గీతు ఇంకా రాజ్ శేఖర్
వాసంతీ కృష్ణన్ – గీతు ఇంకా ఆదిరెడ్డి
బాలాదిత్య – గీతు , రాజ్ శేఖర్
ఆర్జే సూర్య – గీతు , ఆదిరెడ్డి
ఫైమా – సుదీప , బాలాదిత్య
ఇనయ సుల్తానా – శ్రీహాన్ , కీర్తిభట్
రాజ్ శేఖర్ – గీతు , బాలాదిత్య
మెరీనా – కీర్తి భట్ , ఆదిరెడ్డి
గీతు రాయల్ – రాజశేఖర్ , కీర్తి
అర్జున్ కళ్యాణ్ – కీర్తి , ఆదిరెడ్డి
శ్రీసత్య – కీర్తిని ఇంకా ఆదిరెడ్డిని నామినేట్ చేసింది. ఈసారి నామినేషన్స్ లో గతవారం కెప్టెన్ అయిన కీర్తిరెడ్డిని ఏకంగా ఏడుగురు నామినేట్ చేశారు. అలాగే, ఆదిరెడ్డికి కూడా ఏడు ఓట్లు పడ్డాయి. ఆదిరెడ్డిలో ఎంటర్ టైన్మంట్ తక్కువ అయ్యిందనే పాయింట్ ని చాలామంది హౌస్ మేట్స్ చెప్పారు. మెరీనా తిరిగి ఆదిరెడ్డిని నామినేట్ చేసేటపుడు రోహిత్ ఇంకా ఆదిరెడ్డి అరుపులతో హౌస్ దద్దరిల్లిపోయింది. ఇద్దరూ నువ్వెంత అంటే నువ్వెంత అన్నట్లుగా మాట్లాడుకున్నారు. మీద మీదకి వెళ్లి ఫైట్ చేస్కోబోయారు. ఈ నామినేషన్స్ తర్వాత బిగ్ బాస్ బ్యాటరీ రీఛార్జ్ గేమ్ పెట్టాడు. ఆ టాస్క్ లో ఎవరు గెలుస్తారు ? ఈసారి ఇంటి కెప్టెన్ ఎవరు అవుతారు అనేది ఇప్పుడు ఆసక్తికరంగా మారింది. అదీ మేటర్.
