బోయపాటి శ్రీను డైరెక్షన్ లో బాలకృష్ణ హీరోగా తెరకెక్కిన అఖండ సినిమా అంచనాలకు మించి కలెక్షన్లను సొంతం చేసుకున్న సంగతి తెలిసిందే. అటు బాలయ్య ఇటు బోయపాటి శ్రీను కెరీర్ కు అఖండ సక్సెస్ ప్లస్ అయింది. బోయపాటి శ్రీను తర్వాత సినిమా రామ్ హీరోగా తెరకెక్కనుందని వార్తలు వస్తుండగా ఈ సినిమా కోసం బోయపాటి శ్రీను ఏకంగా 12 కోట్ల రూపాయల రెమ్యునరేషన్ తీసుకుంటున్నారని ప్రచారం జరుగుతోంది. ప్రముఖ టాలీవుడ్ నిర్మాతలలో ఒకరైన శ్రీనివాస్ చిట్టూరి ఈ సినిమాకు నిర్మాతగా వ్యవహరించనున్నారని బోగట్టా.
అయితే అఖండ సినిమాకు సీక్వెల్ ఉంటుందని అటు బాలయ్య, ఇటు బోయపాటి శ్రీను అఖండ సినిమా ప్రమోషన్స్ లో భాగంగా చెప్పుకొచ్చారు. అయితే ఈ సీక్వెల్ పట్టాలెక్కాలంటే మాత్రం మరో మూడేళ్లు ఆగాల్సిందేనని సమాచారం. రామ్ తో బోయపాటి శ్రీను భారీ యాక్షన్ ఎంటర్టైనర్ ను తెరకెక్కించనుండగా త్వరలో ఈ సినిమా షూటింగ్ మొదలుకానుంది. మరోవైపు గీతా ఆర్ట్స్ బ్యానర్ లో బన్నీ బోయపాటి శ్రీను కాంబినేషన్ లో ఒక సినిమా తెరకెక్కాల్సి ఉంది.
బన్నీ పుష్ప2 తర్వాతే ఈ ప్రాజెక్ట్ పై దృష్టి పెట్టనున్నారు. అయితే అఖండ2 స్క్రిప్ట్ పనులు మాత్రం వేగంగానే జరిగేలా బోయపాటి శ్రీను జాగ్రత్తలు తీసుకుంటున్నారని బోగట్టా. మరోవైపు బాలయ్య వరుస ప్రాజెక్టులతో బిజీగా ఉన్నా బోయపాటి శ్రీను అడిగితే డేట్స్ ఇవ్వడానికి మాత్రం వెనుకాడరు. బోయపాటి శ్రీను సినిమాల హిందీ హక్కులు మంచి రేటుకు అమ్ముడవుతున్నాయనే సంగతి తెలిసిందే. రామ్ బోయపాటి శ్రీను సినిమాలో నటించడం ద్వారా మార్కెట్ ను మరింత పెంచుకోవాలని భావిస్తున్నారు.
ఈ సినిమా కోసం రామ్ 9 కోట్ల రూపాయలు రెమ్యునరేషన్ గా తీసుకుంటున్నారని సమాచారం అందుతోంది. ఇస్మార్ట్ శంకర్ తో సక్సెస్ ట్రాక్ లోకి వచ్చిన రామ్ రెడ్ సినిమాతో యావరేజ్ రిజల్ట్ ను అందుకున్నారు. ప్రస్తుతం ది వారియర్ సినిమాతో ఈ హీరో బిజీగా ఉన్న సంగతి తెలిసిందే. బోయపాటి శ్రీను ఇప్పటికే ఓకే చెప్పిన ప్రాజెక్టులు అఖండ2 ఆలస్యానికి కారణమవుతున్నాయి.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!
