Vijay: సీఎంగా విజయ్ అందుకునే శాలరీ ఎంత?

సినీ రంగంలో విజయ్(Vijay) తిరుగులేని స్టార్ హీరో. కోలీవుడ్లో ఇతని సినిమా వస్తుందంటే వందల కోట్ల వసూళ్లు నమోదవుతాయి అనడంలో ఎటువంటి సందేహం లేదు.

Vijay

ఇక ఇతని పారితోషికం విషయానికి వస్తే.. ఒక్కో సినిమాకి రూ.150 కోట్ల నుండి రూ.200 కోట్ల వరకు అందుకుంటారు.ఇంతకు మించి డిమాండ్ చేసినా ఇవ్వడానికి నిర్మాతలు సంకోచించరు. అలాంటి లగ్జరీ లైఫ్ ని పక్కన పెట్టేసి… ఇప్పుడు రాజకీయాల్లోకి ఎంట్రీ ఇచ్చారు విజయ్.

2026 ఎన్నికల్లో పోటీ చేయడమే కాదు తిరుగులేని విజయాన్ని కూడా సొంతం చేసుకున్నారు. ఇప్పుడు ముఖ్యమంత్రి హోదాలో నిలబడ్డారు. అయితే ఆయన జీతం ఎంత? వంటి వివరాలు ఇప్పుడు హాట్ టాపిక్ అయ్యాయి. కోట్ల ఆదాయాన్ని కాదని, కేవలం లక్షల జీతంతో ప్రజాసేవకు రెడీ అయ్యారు విజయ్ అంటూ అతని అభిమానులు సోషల్ మీడియాలో కామెంట్లు చేస్తున్నారు.వివరాల్లోకి వెళితే.. తమిళనాడు ముఖ్యమంత్రిగా విజయ్ నెలకు రూ. 2,05,000 జీతం అందుకోబోతున్నారు.

ఇతర రాష్ట్రాల ముఖ్యమంత్రులతో పోలిస్తే ఇది ఇంకా తక్కువే. వాస్తవానికి చూసుకుంటే.. తెలంగాణ ముఖ్యమంత్రికి రూ. 4.1 లక్షలు జీతంగా ఇస్తారు.ఆంధ్రప్రదేశ్ ముఖ్యమంత్రికి రూ. 3.35 లక్షలు జీతం ఉంటుంది. ఆ రకంగా చూస్తే విజయ్ జీతం మరింత తక్కువ. మరికొన్ని అలవెన్సుల రూపంలో మరో రూ. 80,000 వస్తాయట. అలా చూసుకున్నా.. రూ. 2,85,000 వరకు ఉంటుంది ఆయన జీతం అంతే.కానీ జీతంతో పాటు ప్రభుత్వ పరంగా విజయ్ కు కొన్ని ప్రత్యేక సౌకర్యాలు లభిస్తాయి.

వాటిల్లో అధికారిక క్యాంప్ ఆఫీస్ అలాగే ఇల్లు ఉంటుంది. Z+ కేటగిరీ సెక్యూరిటీ కూడా ఉచితంగా అందుతుంది. అధికారికంగా ముఖ్యమంత్రి హోదాలో విజయ్ సంపాదన ఇలానే ఉంటుంది.

ఈ వారం 17 సినిమాలు విడుదల.. అందరి చూపు ఆ సినిమా పైనే