Pawan Kalyan: పవన్ కళ్యాణ్ ప్రతిభకు నిదర్శనం ఇదే..?

May 24, 2021 / 12:32 PM ISTByFilmy Focus

Join Us

Pawan Kalyan: పవన్ కళ్యాణ్ ప్రతిభకు నిదర్శనం ఇదే..?

అజ్ఞాతవాసి సినిమా తరువాత జనసేన పార్టీ కార్యకలాపాలతో బిజీ అయిన పవన్ కళ్యాణ్ పింక్ రీమేక్ గా తెరకెక్కిన రీఎంట్రీ సినిమా వకీల్ సాబ్ తో మరో సక్సెస్ ను ఖాతాలో వేసుకున్న సంగతి తెలిసిందే. వకీల్ సాబ్ సినిమాలో పవన్ లాయర్ పాత్రలో అద్భుతంగా నటించి మెప్పించారు. తొలిరోజు రికార్డు స్థాయిలో కలెక్షన్లను సాధించిన ఈ సినిమా ఓటీటీలో సైతం రికార్డులను క్రియేట్ చేస్తోందని ఇండస్ట్రీ వర్గాల్లో వినిపిస్తోంది.

అయితే వకీల్ సాబ్ సినిమా గురించి తాజాగా వెలుగులోకి వచ్చిన ఒక విషయం గురించి తెలిసి ఫ్యాన్స్ అవాక్కవుతున్నారు. ఈ సినిమాలో తొమ్మిది పేజీల డైలాగ్ ను పవన్ కళ్యాణ్ సింగిల్ టేక్ లో చెప్పారని తెలుస్తోంది. ఈ సినిమాలో నటించిన శివ అనే నటుడు ఒక ఇంటర్వ్యూలో ఈ విషయాన్ని వెల్లడించారు. ఆ సన్నివేశం పూర్తైన వెంటనే యూనిట్ సభ్యులంతా చప్పట్లు కొట్టారని శివ ఇంటర్వ్యూలో చెప్పుకొచ్చారు. రాత్రి సమయంలో జనసేన మీటింగ్ లకు హాజరవుతూ ఉదయం పవన్ వకీల్ సాబ్ షూటింగ్ లో పాల్గొనేవారని శివ తెలిపారు.

పవన్ కళ్యాణ్ నిబద్ధత చాలామందికి స్పూర్తినిచ్చిందని శివ అన్నారు. ఈ విషయం తెలిసిన పవన్ ఫ్యాన్స్ పవర్ స్టార్ ప్రతిభకు నిదర్శనం ఇదేనని కామెంట్లు చేస్తున్నారు. మరి కొందరు ఫ్యాన్స్ పవన్ లో ఇంత టాలెంట్ ఉంది కాబట్టే కోట్ల సంఖ్యలో అభిమానులకు పవన్ ఫేవరెట్ హీరో అయ్యారని అభిప్రాయపడుతున్నారు.