స్టార్ హీరో పవన్ కళ్యాణ్, స్టార్ డైరెక్టర్ త్రివిక్రమ్ శ్రీనివాస్ మధ్య ఉన్న అనుబంధం గురించి ప్రత్యేకంగా చెప్పాల్సిన అవసరం లేదు. ఇప్పటికీ పవన్ కళ్యాణ్ కొన్ని సినిమాల విషయంలో త్రివిక్రమ్ సూచనలు తీసుకుంటూ ఉంటారు. పవన్ హీరోగా త్రివిక్రమ్ డైరెక్షన్ లో మూడు సినిమాలు తెరకెక్కగా ఆ మూడు సినిమాలలో జల్సా, అత్తారింటికి దారేది హిట్ ఫలితాన్ని అందుకుంటే అజ్ఞాతవాసి సినిమా మాత్రం డిజాస్టర్ గా నిలిచింది. అయితే మహేష్ హీరోగా త్రివిక్రమ్ తెరకెక్కించిన అతడు సినిమా కథను మొదట త్రివిక్రమ్ పవన్ కళ్యాణ్ కు వినిపించారు.
ఒక సందర్భంలో త్రివిక్రమ్ పవన్ కల్యాణ్ కు అతడు సినిమా కథను చెప్పానని ఆ సినిమా కథ వింటూ పవన్ నిద్రపోయారని వెల్లడించారు. కొన్నిసార్లు మన మాటలు ఎదుటివారికి నిద్రపుచ్చినట్టు ఉంటాయని త్రివిక్రమ్ చెప్పుకొచ్చారు. ప్రస్తుతం త్రివిక్రమ్ పవన్ హీరోగా తెరకెక్కుతున్న అయ్యప్పనుమ్ కోషియమ్ రీమేక్ లో నటించనున్నారు. పవన్ త్రివిక్రమ్ కాంబినేషన్ లో సినిమా ప్రకటన వెలువడితే బాగుంటుందని పవన్ ఫ్యాన్స్ భావిస్తుండగా ఈ కాంబినేషన్ లో సినిమా ప్రకటన ఎప్పుడు వెలువడుతుందో చూడాల్సి ఉంది.
మహేష్ హీరోగా త్రివిక్రమ్ డైరెక్షన్ లో ఒక సినిమా తెరకెక్కనుండగా ఈ ఏడాది సెకండాఫ్ లో ఈ సినిమా షూటింగ్ ప్రారంభం కానుంది. త్రివిక్రమ్ సినిమాలో మహేష్ జేమ్స్ బాండ్ తరహా రోల్ లో నటించనున్నారని తెలుస్తోంది. ఈ సినిమాకు పార్థు అనే టైటిల్ ఫిక్స్ అయినట్టు సమాచారం.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
