లెక్కల మాస్టర్ సుకుమార్ కి ఒక ఫార్ములా ఉంటుంది. దానిని సినిమా లెక్కగా మార్చి వెండితెరపై తన స్క్రీన్ ప్లే స్టెప్పులతో ప్రాబ్లమ్ ని సాల్వ్ చేస్తూ ఫైనల్ గా మంచి ఆన్సర్ రాబడతాడు. గతంలో సుకుమార్ చేసిన సినిమాలే ఇందుకు ఉదాహరణగా చెప్పొచ్చు. ఇప్పుడు అల్లు అర్జున్ తో ఆర్య సీరిస్ కాకుండా పుష్ప బిగిన్ చేశాడు. వీరిద్దరూ కలిసి హ్యాట్రిక్ హిట్ కొట్టేందుకు రెడీ అయ్యారు. మరి అలాంటి పుష్పని ప్లెయిన్ గా నార్మల్ గా చప్పగా ప్రజెంట్ చేస్తే కిక్ ఏముంటుంది. అందుకే సినిమాలో అద్దిరిపోయే ట్విస్ట్ ప్లాన్ చేస్తున్నాడట. అసలు మేటర్లోకి వెళితే..,
లాక్డౌన్ కారణంగా సినిమా షూటింగ్ వాయిదా పడినా కూడా ఇప్పుడు శరవేగంగా కంప్లీట్ చేస్తున్నారట. డే అండ్ నైట్ సినిమాకోసం సీన్స్ ని ప్లాన్ చేస్తున్నారు. ఎర్రచందనం స్మగ్లింగ్ నేపథ్యంలో ఈ సినిమా తెరకెక్కుతోన్న సంగతి తెలిసిందే. ప్రస్తుతం అందుకే అడవుల్లో పోరాట సన్నివేశాలని తెరకెక్కిస్తున్నారు. ఇప్పుడు ఈ షెడ్యూల్ తర్వాత విదేశాల్లో కొంత పార్ట్ ని షూట్ చేయడానికి చూస్తున్నారట. సడన్ గా ఫారెస్ట్ నుంచి ఫారెన్ కి పుష్ప రాజ్ ఎందుకు వెళ్తున్నాడు. కథ పరంగా ఎలాంటి కనక్షన్ ఉండబోతోందనేది ఆసక్తికరంగా మారింది. ఇందులో ఖచ్చితంగా సూపర్ డూపర్ మైండ్ బ్లోయింగ్ ట్విస్ట్ ఉందనే టాక్ మూవీ టీమ్ నుంచి వస్తోంది.
ముందుగా ఎలాంటి ప్లాన్స్ లేకుండా సడన్ గా విదేశాల్లో షూటింగ్ ని ప్లాన్ చేస్తున్నారు అంటే ఖచ్చితంగా పుష్ప రాజ్ మంచి ట్విస్ట్ ఇస్తాడనే సమాచారం. అసలు ఈ స్మగ్లింగ్ కి విదేశాలకి సంబంధం ఏంటి..? పుష్పరాజ్ రఫ్ అండ్ టఫ్ లుక్ తో ఉండి విదేశాల్లో ఏం చేస్తాడు అనేది ఆసక్తికరం. అందుకే, పుష్ప లో ట్విస్ట్ అద్దిరిపోయేలా సుకుమార్ ప్లాన్ చేస్తున్నాడని అంటున్నారు. బన్నీ కెరియర్ లోనే హైఎస్ట్ బడ్జెట్ తో తెరకెక్కుతున్న ఈ సినిమాని మొత్తం 10 భాషల్లో రిలీజ్ చేసేందుకు మేకర్స్ ప్లాన్ చేస్తున్నారు. మైత్రీ మూవీ మేకర్స్ పతాకంపై తెరకెక్కుతున్న ఈ సినిమాలో హీరోయిన్ గా రష్మిక మందన నటిస్తున్న సంగతి తెలిసిందే. సంగీతం దేవిశ్రీ ప్రసాద్ అందిస్తున్నాడు.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
