యంగ్ టైగర్ జూనియర్ ఎన్టీఆర్ (Jr NTR) , హృతిక్ రోషన్ (Hrithik Roshan) కాంబినేషన్ లో తెరకెక్కుతున్న వార్2 సినిమాపై అంచనాలు అంతకంతకూ పెరుగుతున్న సంగతి తెలిసిందే. సోలో హీరోగా కెరీర్ పరంగా బిజీగా ఉన్న తారక్ ఈ సినిమాకు గ్రీన్ సిగ్నల్ ఇచ్చాడంటే ఈ సినిమా కథకు సంబంధించి ఏదో ఆసక్తికర ట్విస్ట్ ఉంటుందని, ఈ సినిమాలో ఎన్నో ప్రత్యేకతలు ఉంటాయని ఇండస్ట్రీ వర్గాల్లో వినిపిస్తోంది. ఎన్టీఆర్ ఈ సినిమాలో పాజిటివ్ రోల్ లో కనిపిస్తారో నెగిటివ్ రోల్ లో కనిపిస్తారో కూడా స్పష్టత లేదు.
అయితే ఈ సినిమాలో యాక్షన్ సీన్స్ మాత్రం న భూతో న భవిష్యత్ అనేలా ఉండబోతున్నాయని తెలుస్తోంది. హాలీవుడ్ యాక్షన్ కొరియోగ్రాఫర్ స్పిరో రజాటోస్ ఈ సినిమా కోసం పని చేస్తుండటం ఈ సినిమాపై అంచనాలను రెట్టింపు చేస్తోంది. ఎన్నో హాలీవుడ్ హిట్ సినిమాలకు పని చేసిన స్పిరో రజాటోస్ వార్2 సినిమాకు యాక్షన్ సీన్స్ కీలకం కావడంతో ఎన్నో జాగ్రత్తలు తీసుకుంటున్నారని భోగట్టా. ఈ సినిమాలో ప్రతి యాక్షన్ సీన్ కొత్తగా ఉంటుందని తెలుస్తోంది.
వార్2 సినిమా షూటింగ్ శరవేగంగా పూర్తయ్యేలా దర్శకుడు అయాన్ ముఖర్జీ ప్లాన్స్ ఉన్నాయని యశ్ రాజ్ ఫిల్మ్స్ బ్యానర్ లో తెరకెక్కుతున్న ఈ మూవీ చెప్పిన తేదీకే విడుదల కానుందని తెలుస్తోంది. గత ఆరేళ్లలో జూనియర్ ఎన్టీఆర్ నటించిన రెండు సినిమాలు మాత్రమే విడుదల కాగా దేవర (Devara), వార్2 సినిమాలు మాత్రం పది నెలల గ్యాప్ లో రిలీజవుతున్నాయి.
వార్2 సినిమా బాక్సాఫీస్ వద్ద బ్లాక్ బస్టర్ హిట్ గా నిలిస్తే బాలీవుడ్, టాలీవుడ్ హీరోల కాంబినేషన్ లో మరిన్ని సినిమాలు తెరకెక్కే ఛాన్స్ అయితే ఉంటుందని కామెంట్లు వ్యక్తమవుతున్నాయి. నాటు నాటు సాంగ్ మించేలా హృతిక్, తారక్ కాంబినేషన్ లో ఒక సాంగ్ కూడా ప్లాన్ చేశారని తెలుస్తోంది. తారక్ స్ట్రెయిట్ బాలీవుడ్ సినిమాలో నటిస్తుండటంతో తారక్ భవిష్యత్తు సినిమాల హిందీ రైట్స్ భారీ మొత్తానికి అమ్ముడయ్యే ఛాన్స్ కూడా ఉంది.
