లోకేష్ కనగరాజ్ (Lokesh Kanagaraj) తన సినిమాకి సంబంధించిన విషయాలను చాలా గోప్యంగా ఉంచుతాడు. ప్రేక్షకులు థియేటర్లలో ఆ థ్రిల్ ఫీల్ అవ్వడం కోసమే అతడి తాపత్రయం. “విక్రమ్” (Vikram) సినిమాలో సూర్య (Suriya) ఉన్నాడు అనే విషయం లీక్ అయినప్పుడే, లోకేష్ (Lokesh Kanagaraj) ఉక్కిరిబిక్కిరి అయిపోయాడు. కట్ చేస్తే.. ఇప్పుడు “కూలి” (Coolie) విషయంలోనూ అలాంటి తప్పులే జరుగుతున్నాయి.
షూటింగ్ టైమ్ లో నాగార్జున (Nagarjuna) లుక్ లీక్ అయ్యాక చాలా జాగ్రత్తపడ్డాడు లోకేష్. అఫీషియల్ కంటెంట్ తప్పితే సినిమాకి సంబంధించిన విషయం కూడా లీక్ అవ్వలేదు.అయితే.. గత కొన్ని రోజులుగా “సితారే జమీన్ పర్” ఇంటర్వ్యూల్లో ఆమిర్ ఖాన్ (Aamir Khan), “కుబేరా” (Kuberaa) ప్రమోషన్స్ లో నాగార్జున (Nagarjuna) వరుసబెట్టి “కూలి” (Coolie) సినిమాల్లో తమ క్యారెక్టర్స్ గురించి డీటెయిల్స్ లీక్ చేశారు.
ఆమిర్ ఖాన్ (Aamir Khan) ఏకంగా ఉపేంద్ర, శృతిహాసన్ (Shruti Haasan) తో కాంబినేషన్ సీన్ ఉన్నట్లు రివీల్ చేయగా.. నాగార్జున నిన్న ఓ బాలీవుడ్ మీడియా హౌజ్ కి ఇచ్చిన ఇంటర్వ్యూలో తాను మెయిన్ విలన్ గా నటిస్తున్నట్లు కన్ఫర్మేషన్ ఇచ్చేసాడు. దాంతో సీనియర్స్ ని ఏమీ అనలేక, ఈ లీక్స్ ని ఎలా కంట్రోల్ చేయాలో తెలియక తలపట్టుకున్నాడు లోకేష్ కనగరాజ్(Lokesh Kanagaraj). ఇకపోతే.. ఆగస్ట్ 14న విడుదలవుతున్న కూలీ సినిమా తెలుగు రైట్స్ విషయంలో ఇంకా క్లారిటీ రాలేదు. వార్ 2తో పోటీగా రిలీజ్ అవుతున్న ఈ చిత్రం మీద భారీ అంచనాలు ఉన్నాయి.
రజనీకాంత్ (Rajinikanth), ఉపేంద్ర (Upendra), నాగార్జున, షౌబిన్ (Soubin), శృతిహాసన్ తదితరులు కీలకపాత్రలు పోషిస్తున్న ఈ చిత్రానికి అనిరుధ్ సంగీతం అందిస్తుండగా.. ఈనెల ఒక పాట రిలీజ్ చేసే ప్రయత్నంలో ఉన్నారు. జులైలో ట్రైలర్ ను రిలీజ్ చేసేందుకు సన్నద్ధమవుతున్నారు. మరి అప్పటివరకు లోకేష్ మరిన్ని లీకులు అవ్వకుండా ఆపగలుగుతాడో లేదో చూడాలి. లేదంటే.. ఆ థ్రిల్ మిస్ అయ్యి థియేట్రికల్ ఎక్స్ పీరియన్స్ దెబ్బతింటుంది.
Home