ప్రభాస్ (Prabhas) అభిమానులు మాత్రమే కాదు యావత్ సినీ ప్రేక్షకులు ఎప్పుడెప్పుడా అని ఎదురుచూస్తున్న చిత్రం ‘ది రాజాసాబ్'(The RajaSaab) . ఏప్రిల్ 10 కే రిలీజ్ కావాలి ఈ సినిమా. కానీ పలు కారణాల వల్ల వాయిదా పడింది. మారుతి (Maruthi) దర్శకత్వంలో ప్రభాస్ (Prabhas) చేస్తున్న హారర్ రొమాంటిక్ మూవీ ఇది. ఇలాంటి జోనర్ సినిమాకి మారుతి రైటింగ్ బాగుంటుంది గతంలో మారుతి దర్శకత్వ పర్యవేక్షణలో వచ్చిన ‘ప్రేమకథా చిత్రమ్’ (Prema Katha Chitram) కూడా హారర్ రొమాంటిక్ అండ్ కామెడీ మూవీనే..!
ఆ తర్వాత లార్జ్ స్కేల్ అలాంటి జోనర్ మూవీ చేయాలని మారుతి.. చాలా ఏళ్లుగా అనుకుంటున్నారు. ఫైనల్ గా అతని కోరిక ‘ది రాజాసాబ్’ (The RajaSaab) తో తీరబోతుంది. హిందీలో ఇప్పుడు హారర్ టచ్ ఉన్న సినిమాలకి మంచి డిమాండ్ ఉంది. డిసెంబర్ లో ఇలాంటి సినిమాలు అక్కడ భారీ వసూళ్లు సాధిస్తూ ఉంటాయి. అందుకే డిసెంబర్ 5న ‘ది రాజాసాబ్’ (The RajaSaab) ను రిలీజ్ చేయబోతున్నట్టు మేకర్స్ ఇటీవల అధికారికంగా ప్రకటించిన సంగతి తెలిసిందే.
ఇక ప్రమోషన్స్ లో భాగంగా జూన్ 16న ఉదయం టీజర్ ను కూడా విడుదల చేస్తున్నట్లు తెలిపారు. వారు చెప్పినట్టుగానే కొద్దిసేపటి క్రితం టీజర్ ను కూడా వదిలారు. ‘ది రాజాసాబ్’ (The RajaSaab) సినిమా టీజర్ విషయానికి వస్తే.. ఇది 2 నిమిషాల 12 సెకన్ల నిడివి కలిగి ఉంది. దీని ద్వారా వరల్డ్ ఆఫ్ ‘రాజాసాబ్’ (The RajaSaab) ఏంటి అన్నది చూపించారు. ముగ్గురు హీరోయిన్లతో ప్రభాస్ (Prabhas) రొమాంటిక్ ట్రాక్,తర్వాత యాక్షన్ ఎపిసోడ్స్ ..యాక్షన్ సీన్స్ లో ప్రభాస్ (Prabhas)గ్రేస్ చూపించారు.
అవి ఫ్యాన్స్ కి మంచి ఫీస్ట్ ఇచ్చేలా ఉంటాయి. తర్వాత వీళ్లంతా ఒక బంగ్లాకి వెళ్లడం.. అక్కడ ఉండే ఆత్మలు వీళ్ళని హింసించడం.. ఈ క్రమంలో వచ్చే కామెడీ వంటివి చూపించారు. ‘హల్లో హల్లో బండి కొంచెం మెల్లగా..హే జగన్నాథ్ ప్రభూ….తాత వైర్ కట్ చేసాడేమో చూడండి రా’ అంటూ ప్రభాస్ (Prabhas) పలికిన డైలాగులు కూడా కామెడీ పండించే విధంగా ఉన్నాయి. ప్రభాస్ (Prabhas) లుక్స్, విజువల్ ఎఫెక్ట్స్, తమన్ అందించిన నేపధ్య సంగీతం.. ఇవన్నీ హైలెట్ పాయింట్స్ అని చెప్పాలి. టీజర్ ను మీరు కూడా ఓ లుక్కేయండి :
Home