Kuberaa Trailer: శేఖర్ కమ్ముల కంఫర్ట్ జోన్ నుంచి బయటకొచ్చి తీసిన సినిమా!

శేఖర్ కమ్ముల సినిమాలంటే సింప్లిసిటీ, క్లీన్ ఎమోషన్స్, బ్యూటిఫుల్ లవ్లీ మూమెంట్స్ ఉంటాయి. ఇప్పటివరకు ఆయన తెరకెక్కించిన సినిమాలన్నీ ఆ పంథాలోనే ఉంటూ వచ్చాయి. కానీ.. మొట్టమొదటిసారి శేఖర్ కమ్ముల తన కంఫర్ట్ జోన్ నుంచి బయటికి వచ్చి ఒక సినిమా తీశాడు, అదే “కుబేరా” (Kuberaa). నాగార్జున, ధనుష్, రష్మిక లాంటి స్టార్ క్యాస్ట్ ఉండడమే పెద్ద విషయం అనుకుంటే, సినిమా కంటెంట్ ఏంటి అనేది ట్రైలర్ తో టేస్ట్ చూపించి షాక్ ఇచ్చాడు శేఖర్ కమ్ముల.

Kuberaa Trailer

క్యాపిటలిస్టులు కంట్రీని ఎలా దోచుకుంటున్నారు, రాజకీయ నాయకులు వాళ్ళకి ఏ విధంగా కాపు కాస్తున్నారు అనేది చాలా రియలిస్టిక్ గా చూపించాడు శేఖర్ కమ్ముల. దీపక్ గా నాగార్జున, దేవగా ధనుష్, మరో కీలకపాత్రలో రష్మిక మందన్న చాలా రియలిస్టిక్ గా ఉన్నారు. ఒక ముష్టోడు గవర్నమెంట్ ని ఎలా రిస్క్ లో పెట్టాడు అనేది సినిమా కోర్ పాయింట్. శేఖర్ కమ్ముల కమ్యూనిస్ట్ ఐడియాలజీతో ఈ కాన్సెప్ట్ ను ఎలా డీల్ చేశాడు అనేది కీ ఫ్యాక్టర్ అని చెప్పొచ్చు.

ఈ ట్రైలర్ కి మరో ఇద్దరు హీరోలున్నారు.. వాళ్లే సినిమాటోగ్రాఫర్ నికేత్ బొమ్మి & మ్యూజిక్ డైరెక్టర్ దేవిశ్రీప్రసాద్. నికేత్ ఫ్రేమ్స్ రిచ్ & పూర్ డిఫరెన్సులను చూపించిన విధానం ఆకట్టుకోగా.. దేవిశ్రీప్రసాద్ నేపథ్య సంగీతం కంటెంట్ ను బాగా ఎలివేట్ చేసింది. శేఖర్ కమ్ముల కూడా సినిమా మీద చాలా కాన్ఫిడెంట్ గా ఉన్నాడు.

చూస్తుంటే.. జూన్ 20న శేఖర్ కమ్ముల “కుబేరా”తో బ్లాక్ బస్టర్ హిట్ కొట్టేలా ఉన్నాడు. తెలుగు, తమిళ, హిందీ భాషల్లో ఏకకాలంలో రిలీజ్ అవుతున్న “కుబేరా”కి తెలుగులో “8 వసంతాలు”, హిందీలో “సితారే జమీన్ పర్”కి తప్ప చెప్పుకోదగ్గ పోటీనిచ్చే సినిమాలేమీ లేవు.

స్టార్ హీరోలను మందలిస్తూ హుకుం జారీ చేసిన దిల్ రాజు!