యాక్షన్ హీరో గోపీచంద్ – లేడీ సూపర్ స్టార్ న‌య‌న‌తార హీరో హీరోయిన్లుగా బి. గోపాల్‌ దర్శకత్వంలో తెరకెక్కిన చిత్రం ‘ఆరడుగుల బుల్లెట్’. మణిశర్మ సంగీతం అందిస్తున్న ఈ చిత్రాన్ని ‘జయబాలజీ రీల్‌ మీడియా ప్రైవేట్‌ లిమిటెడ్’ బ్యానర్పై తాండ్ర రమేష్ నిర్మించారు.వక్కంతం వంశీ కథ అందించిన ఈ చిత్రాన్ని ఆగస్టులో ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు నిర్మాతలు.నిజానికి ఈ చిత్రం 2017 లో విడుదల కావాల్సింది.. కాకపోతే ఆర్ధిక లావాదేవీల వల్ల ఆగిపోయింది.
ఇక గతేడాది ఈ చిత్రాన్ని ఓటిటిలో విడుదల చేయమని మంచి ఆఫర్లు వచ్చాయి. కానీ ముందుగానే నిర్మాతలు ఈ చిత్రం డిజిటల్ మరియు శాటిలైట్ రైట్స్ ను ‘జి’ అమ్మేయడంతో ఆ డీల్ ఓకే కాలేదు. ఇదిలా ఉండగా.. ఈ చిత్రాన్ని థియేటర్లలో విడుదల చేయడానికి కిందా మీదా పడి క్లియరెన్స్ తెచ్చుకున్న నిర్మాతలకు ఆరంభంలోనే ఎదురుదెబ్బ తగిలింది. ‘ఆరడుగుల బుల్లెట్’ కు ఇప్పుడున్న పరిస్థితుల్లో రూ.4 లేదా రూ.5 కోట్లకు మించి బిజినెస్ అవ్వడం లేదట.
కరోనా సెకండ్ వేవ్ కారణంగా.. మళ్ళీ థియేటర్లు మూతపడడం.. ఒకవేళ థియేటర్లు తెరుచుకున్నా.. జనాలు వచ్చే పరిస్థితి కనిపించకపోవడంతో బయ్యర్స్ ధైర్యం చేయలేకపోతున్నారని వినికిడి. పైగా 4 ఏళ్ళ క్రితం సినిమాకి ఎక్కువ పెట్టే ఉద్దేశం కూడా వారికి లేనట్టు తెలుస్తుంది. అందుకే ఈ చిత్రాన్ని వరల్డ్ వైడ్ గా ఓన్ రిలీజ్ చేసుకోబోతున్నట్టు నిర్మాత తాండ్ర రమేష్ తెలియజేసారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home
