Sai Dharam Tej, Vaishnav Tej: సాయితేజ్‌ యాక్సిడెంట్‌ వాటిపై ప్రభావం చూపిస్తుందా..!

టాలీవుడ్‌లో చాలా రోజుల నుండి వెయిట్‌ చేస్తున్న ‘మెగా’ సినిమాల్లో ఓ రెండు అక్టోబరులో విడుదలవుతున్నాయి. అవే సాయిధరమ్‌ తేజ్‌ ‘రిపబ్లిక్‌’, వైష్ణవ్‌ తేజ్‌ ‘కొండపొలం’. ఇటీవలే ఈ సినిమా తేదీలను అధికారికంగా ప్రకటించారు. అయితే ఇప్పుడు పరిస్థితి చూస్తుంటే అనుకున్న తేదీకి ఆ సినిమా విడుదలవుతాయా? సినిమా వర్గాలు అయితే ఖాయమంటున్నా… ఎక్కడో చిన్న డౌట్‌ కొడుతోంది. సాయిధరమ్‌తేజ్‌ ఇటీవల బైక్‌ యాక్సిడెంట్‌ జిరిగి తీవ్రంగా గాయపడిన విషయం తెలిసిందే.

శస్త్రచికిత్స జరిగి ప్రస్తుతం ఆసుపత్రిలో ఉన్నారు. సినిమా విడుదల తేదీకి గట్టిగా 10 రోజులు ఉంది. ఈ సమయంలో చిత్రబృందం సినిమా విడుదల చేస్తుందా అనేదే ఇక్కడ ప్రశ్న. అయితే సినిమాకు సంబంధించిన పనులన్నీ అయిపోయాయని, కాబట్టి విడుదల చేసేయొచ్చని అంటున్నారు. ఈ సినిమా రిలీజ్‌ రైట్స్‌ జీ సినిమాస్‌ దగ్గర ఉన్నాయట. వాళ్లు లెక్కంటే లెక్క అనే కాన్సెప్ట్‌లో రిలీజ్ చేసేస్తారు అంటున్నారు. ఇక డౌట్‌ ఉన్న రెండో సినిమా ‘కొండపొలం’. క్రిష్ దర్శకత్వంలో రూపొందిన ఈ సినిమాలో వైష్ణవ్‌ తేజ్‌ హీరోగా నటించిన విషయం తెలిసిందే.

ఈ సినిమాను అక్టోబరు 8న విడుదల చేయాలని చిత్రబృందం నిర్ణయించింది. ఈ మేరకు ప్రచారం కూడా ప్రారంభించారు. అయితే ఇప్పుడు అన్నయ్య సాయితేజ్‌ అలా ఆసుపత్రిలో ఉన్నప్పుడు వైష్ణవ్‌ ప్రచారానికి రాలేడు. దీంతో సినిమా విడుదల వాయిదా పడుతుంది అంటున్నారు. చూడాలి… ఇద్దరూ ఏం నిర్ణయం తీసుకుంటారో.

నెట్ సినిమా రివ్యూ & రేటింగ్!

Most Recommended Video

టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!