Sathyaraj Mother: సినీ పరిశ్రమలో మరో విషాదం.. సత్యరాజ్ కు మాతృవియోగం!

రంగరాజ్ సుబ్బయ్య.. ఇలా చెబితే చాలా మంది కన్ఫ్యూజ్ అయిపోతారు. అదే సత్యరాజ్ అంటే టక్కున కట్టప్ప అంటారు. తెలుగు, తమిళ.. భాషల్లో విలక్షణమైన పాత్రలు చేస్తూ బిజీ ఆర్టిస్ట్ గా రాణిస్తున్నారు సత్యరాజ్.ఈరోజు ఈయన ఇంట విషాదం చోటు చేసుకుంది. వివరాల్లోకి వెళితే.. సత్యరాజ్ తల్లి నాదాంబల్ కాలియంగార్ నిన్న కన్నుమూశారు. ఆమె వయసు 94 ఏళ్ళు. వయసు సంబంధిత సమస్యలతో ఆమె మరణించినట్లు స్పష్టమవుతుంది. సత్య రాజ్ హైదరాబాద్లో షూటింగ్లో ఉన్న టైంలో ఈ విషయం తెలిసిందట.

దీంతో ఆయన హుటాహుటిన బయలుదేరి వెళ్లారట. సత్యరాజ్ తో పాటు నాదాంబల్ కాలియంగార్ గారికి కల్పనా మండ్రాండియార్ , రూపా సేనాధిపతి అనే ఇద్దరు కూతుళ్లు ఉన్నారు. నాదాంబల్ గారి మరణంతో సత్యరాజ్ కుటుంబంలో విషాద ఛాయలు అలుముకున్నాయి. ఇక సత్యరాజ్ గతంలో ఓ స్టార్ అనే సంగతి తెలిసిందే. తమిళ రెబల్ స్టార్ గా ఓ వెలుగు వెలిగారు. ఎన్నో సూపర్ హిట్ సినిమాల్లో హీరోగా నటించి మెప్పించారు.

గతంలో ‘కూని’ ‘దర్జా దొంగ’ ‘ఉక్కు సంకెళ్లు’ వంటి సినిమాల్లో ఓ హీరోగా కూడా నటించిన సందర్భాలు ఉన్నాయి.సత్యరాజ్ ఫ్యామిలీ గురించి తెలుగు ప్రేక్షకులకు ఎక్కువగా తెలిసుండకపోవచ్చు. ఆయన భార్య పేరు మహేశ్వరీ. వీరికి ఇద్దరు సంతానం. సత్యరాజ్ కొడుకు సిబిరాజ్ ఆల్రెడీ సినిమాల్లోకి ఎంట్రీ ఇచ్చి ‘డోరా’ ‘మాయోన్’ వంటి సినిమాలు చేశారు.ఇక సత్యరాజ్ కూతురు దివ్య ఓ న్యూట్రిషనిస్ట్.