కొత్త లుక్ లో సత్యదేవ్ అదరగొడుతున్నాడు…!

హీరోగానే కాకుండా క్యారెక్టర్ ఆర్టిస్ట్ గా కూడా నటిస్తూ తనకంటూ ఓ ప్రత్యేకతను ఏర్పరుచుకున్నాడు సత్యదేవ్. ‘ముకుంద’ ‘జ్యోతి లక్ష్మీ’ ‘అప్పట్లో ఒకడుండేవాడు’ ‘అంతరిక్షం’ వంటి చిత్రాలలో తన నటనతో మంచి మార్కులు తెచ్చుకున్నాడు సత్యదేవ్. ఇటీవల విడుదలైన ‘బ్లఫ్ మాస్టర్’ చిత్రంతో కూడా మరోసారి తన ప్రత్యేకతను చాటుకున్నాడు. ఈ చిత్రంలో తన నటనతో ప్రేక్షకులని అలరించాడు. ప్రస్తుతం సత్యేదేవ్ ఓ క్రేజీ ప్రాజెక్ట్ లో నటిస్తున్నాడు. దీనికి సంబందించిన ఓ ఆసక్తికరమైన విషయాన్ని తన సోషల్ మీడియా ద్వారా ప్రేక్షకులతో పంచుకున్నాడు.

• ఎన్టీఆర్ మహానాయకుడు’ రివ్యూ కోసం ఇక్కడ క్లిక్ చెయ్యండి 
• “అంజలి సిబిఐ” రివ్యూ కోసం ఇక్కడ క్లిక్ చెయ్యండి 
• “మిఠాయి”  రివ్యూ కోసం ఇక్కడ క్లిక్ చెయ్యండి

తన ఫేస్ బుక్ పేజీ ద్వారా సత్యదేవ్ మాట్లాడుతూ… “నేనిప్పటివరకూ చెప్పని ఓ విషయాన్ని మీతో పంచుకోవాలనుకుంటున్నాను. ఇప్పుడు నేను చేస్తున్న చిత్రం.. నాకు చాలా ప్రత్యేకమైనది. దీనిని మేము ఇండియాలోనే కాకుండా ఆఫ్ఘనిస్తాన్, కాబుల్ పరిసర ప్రాంతంలో షూట్ చేస్తున్నాం. ప్రతీ చిత్రానికి ఏదో ఒక ఆటంకం వస్తుంది… మా చిత్రానికి ఇంకా ఎక్కువ ఆటంకాలు వస్తున్నాయి. అయినా సరే మేము కచ్చితంగా పూర్తి చేసి తీరుతాం. ” అంటూ చెప్పుకొచ్చాడు. ఇక ఈ చిత్రాన్ని జెన్నిఫర్ అల్ఫానోస్ డైరెక్ట్ చేస్తుండగా… సాజీష్ , సినిమాటోగ్రఫీ అందిస్తున్నాడు. రజాక్, ఒమర్ తదితర నటీనటులు ఈ చిత్రంలో నటిస్తున్నారు అంటూ తాను గడ్డంతో ఉన్న ఓ కొత్త లుక్.. మరియు షూటింగ్ పిక్స్ ను పోస్ట్ చేసాడు సత్యదేవ్.