నాగబాబు పై శివాజీ రాజా వివాదాస్పద కామెంట్స్..!

‘మూవీ ఆర్ట్స్ అసోసియేషన్’ (మా) మాజీ అధ్యక్షుడు, సినీ నటుడు అయిన శివాజీ రాజా తాజాగా మెగా బ్రదర్ నాగబాబు పై వివాదాస్పద కామెంట్లు చేసాడు. జనసేన పార్టీ తరుపున నాగబాబు నరసాపురం పార్లమెంట్ అభ్యర్థిగా పోటీ చేస్తున్న సంగతి తెలిసిందే. అయితే నాగబాబు కి ఎవరూ ఓటు వేయొద్దని శివాజీ రాజా చెబుతున్నాడు. నాగబాబు కి ఓటేస్తే చాలా నష్టపోతారని చెబుతున్నాడు. ‘మూవీ ఆర్టిస్ట్ అసోసియేషన్ (మా)’ కి అధ్యక్షుడుగా ఉన్నప్పుడు తను ఏమీ చేయలేదు అలాంటిది ఎంపీగా ఏంచేస్తాడంటూ ప్రశ్నిస్తున్నాడు.

• మజిలీ రివ్యూ కోసం ఇక్కడ క్లిక్ చెయ్యండి 
• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చెయ్యండి    
• సూర్యకాంతం రివ్యూ కోసం ఇక్కడ క్లిక్ చెయ్యండి  
• ఫ్రేమకథా చిత్రం 2  రివ్యూ కోసం ఇక్కడ క్లిక్ చెయ్యండి 

శివాజీ రాజా మాట్లాడుతూ.. “మెగా ఫ్యామిలీని గతంలో తిట్టిన వాళ్ళకి ‘మా’ ఎన్నికల్లో రాత్రికి రాత్రే సపోర్ట్ చేశాడు. అయితే తరువాత ఏమయ్యింది.. ? ఇప్పుడు వాళ్ళు మళ్ళీ మెగా ఫ్యామిలీ పై నెగిటివ్ కామెంట్స్ చేస్తున్నారు. వీటిని నాగబాబు ఎందుకు పట్టించుకోవడం లేదు. ఈ విషయం బాధగా అనిపించే ఈ ప్రెస్ మీట్ పెట్టాను. మెగా స్టార్ చిరంజీవి గారు నాకు సొంత అన్నయ్య లాంటి వారు. ఆయన చిన్న తమ్ముడు పవర్ స్టార్ కూడా చాలా మంచి వారు. అయితే మధ్యలో పుట్టిన నాగబాబు మాత్రం చాలా నెగిటివ్ భావాలున్న వ్యక్తి. నరసాపురం నియోజకవర్గం మా ప్రాంతమే… అక్కడ మంచి రాజకీయ నాయకుడు రావాలి.. నాగబాబు లాంటి వ్యక్తికి ఓటేస్తే మనం నష్టపోవడం ఖాయం. పిల్లికి బిచ్చం కూడా వేయని నాగబాబుకు ఓటేస్తే ఓటు హక్కు వృధా అవుతుంది. ఇక పవన్ కళ్యాణ్ భీమవరం నుండీ పోటీ చేస్తుండడం చాలా సంతోషంగా ఉంది. పవన్ మంచి భావాలున్న వ్యక్తి. తనకు ఓటెయ్యండి”.. అంటూ నాగబాబు పై శివాజీ రాజా ఆగ్రహం వ్యక్తం చేసాడు.