Venu, Ravi Teja: రవితేజ మూవీతో రీ ఎంట్రీ ఇవ్వనున్న ఒకప్పటి హీరో వేణు..!

ఉదయ్ కిరణ్, తరుణ్ వంటి హీరోల్లానే లవ్ అండ్ కామెడీ ఎంటర్టైనర్లతో మంచి క్రేజ్ ను సంపాదించుకున్న మరో హీరో తొట్టెంపూడి వేణు. చూడ్డానికి 6 అడుగుల పైనే ఎత్తు,గ్లామర్.. 1 లైన్ పంచ్ డైలాగులు,సెటిల్డ్ పెర్ఫార్మన్స్ తో అప్పటి యూత్ ను ఇతను బాగానే అలరించాడు. ‘స్వయంవరం’, ‘చిరునవ్వుతో’, ‘హనుమాన్ జంక్షన్’, ‘పెళ్ళాం ఊరెళితే’,’కళ్యాణ రాముడు’ ‘ఖుషీ ఖుషీగా’ ‘యమగోల మళ్ళీ మొదలైంది’ వంటి హిట్ సినిమాలు ఇతని ఖాతాలో ఉన్నాయి.

అయితే కాలక్రమేణా కామెడీ సినిమాలకి కాలం చెల్లిపోవడం.. అలాగే కొత్త హీరోలు ఎంట్రీ ఇవ్వడంతో వేణు వెనుకబడిపోయాడు. వెంకటేష్ హీరోగా నటించిన ‘చింతకాయల రవి’, ఎన్టీఆర్-బోయపాటి శ్రీను కాంబినేషన్లో వచ్చిన ‘దమ్ము’ వంటి సినిమాల్లో క్యారెక్టర్ ఆర్టిస్ట్ గా చేసాడు కానీ.. అవి కూడా ఇతని కెరీర్ ను నిలబెట్టలేకపోయాయి. అయితే దాదాపు 8 ఏళ్ళ తర్వాత ఇతను రీ ఎంట్రీ ఇవ్వడానికి రెడీ అయ్యాడు. మాస్ మహారాజ్ రవితేజ హీరోగా నటిస్తున్న ‘రామారావు ఆన్ డ్యూటీ’ మూవీలో ఓ కీలక పాత్రకు ఎంపికయ్యాడు వేణు.

శరత్ మండవ ఈ చిత్రానికి దర్శకుడు. వేణు ఈ ప్రాజెక్టులో జాయిన్ అవుతున్నట్టు ఆ చిత్రం దర్శకనిర్మాతలు ఈరోజు అధికారికంగా ప్రకటించారు. మరి సెకండ్ ఇన్నింగ్స్ లో వేణు ఎంత వరకు రాబడతాడో చూడాలి. ఒకవేళ ఈ సినిమా కనుక హిట్ అయితే అతనికి మరిన్ని అవకాశాలు రావడం గ్యారెంటీ అనే చెప్పాలి.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!