టాలీవుడ్ ప్రముఖ హీరోలలో ఒకరైన బాలకృష్ణ మరికొన్ని రోజుల్లో భగవంత్ కేసరి సినిమాతో ప్రేక్షకుల ముందుకు రానున్నారు. రికార్డ్ స్థాయి స్క్రీన్లలో ఈ సినిమా రిలీజ్ కానుండగా ప్రముఖ నిర్మాత దిల్ రాజు నైజాంలో ఈ సినిమాను రిలీజ్ చేస్తున్నారు. దర్శకుడు అనిల్ రావిపూడితో దిల్ రాజుకు ప్రత్యేక అనుబంధం ఉందనే సంగతి తెలిసిందే. భగవంత్ కేసరి రికార్డ్ స్థాయిలో కలెక్షన్లు సాధిస్తుందని ఫ్యాన్స్ ఫీలవుతున్నారు. నటుడు విజయ్ కొలగాని ఒక ఇంటర్వ్యూలో మాట్లాడుతూ బాలయ్య గురించి ఆసక్తికర విషయాలను వెల్లడించారు.
మేము చాలామందిని నమ్మామని ఎప్పుడూ మోసపోలేదని ఆయన తెలిపారు. చెన్నైలో అనుభవించిన కష్టాలనే భరించలేని కష్టాలుగా నేను భావిస్తానని ఆయన అభిప్రాయం వ్యక్తం చేశారు. చెన్నైలో తిండి లేక ఇబ్బందులు పడ్డ పరిస్థితులు ఉన్నాయని విజయ్ కొలగాని అభిప్రాయం వ్యక్తం చేశారు. ఆఫ్ సెట్ వర్క్ లో ప్లేట్ మేకింగ్ లో నేను నంబర్ వన్ అని ఆయన చెప్పుకొచ్చారు. నాకు చిరంజీవి గారంటే భయం అని బాలయ్య గారు భోళా శంకరుడు అని బాలయ్య ఫ్రెండ్లీగా ఉంటారని విజయ్ కొలగాని అభిప్రాయం వ్యక్తం చేశారు.
బాలయ్య మాట కఠినం కానీ రియల్ లైఫ్ లో బాలయ్య చిన్న పిల్లాడు అని విజయ్ కొలగాని అన్నారు. బాలయ్యతో కలిసి సమరసింహారెడ్డి, సుల్తాన్ చేశామని ఆయన తెలిపారు. బాలయ్యకు కోపం వస్తుంది కానీ ఐదు నిమిషాల్లోనే కూల్ అయిపోతాడని విజయ్ కొలగాని కామెంట్లు చేశారు. బాలయ్య జాతకాలు ఎక్కువగా నమ్ముతారని సీనియర్ ఎన్టీఆర్ గురించి ఎక్కువగా ఆయన మాట్లాడతారని ఆయన పేర్కొన్నారు.
తలకోనలో షూట్ సమయంలో బాలయ్య, నేను కలిసి ఉదయం నాలుగు గంటలకే వాకింగ్ కు వెళ్లేవాళ్లమని చిరుతలు, ఇతర జంతువులు ఉంటాయి కాబట్టి బాలయ్య లైసెన్స్ ఉన్న గన్ తో వచ్చేవారని విజయ్ చెప్పుకొచ్చారు. బాలయ్య చాలా సరదాగా ఉంటారని ఆయన పేర్కొన్నారు.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
