రీసెంట్ గా చిన్న సినిమాగా విడుదలై , పెద్ద సినిమాలు కూడా సాధించలేని ఎన్నో రేర్ ఫీట్స్ ని సాధించిన చిత్రం ‘బేబీ’. సాయి రాజేష్ దర్శకత్వం లో వైష్ణవి చైతన్య హీరోయిన్ గా, ఆనంద్ దేవరకొండ మరియు విరాజ్ అశ్విన్ హీరోలు గా నటించిన ఈ సినిమాకి విడుదలకు ముందే భారీ అంచనాలు ఉండేవి. ఆ అంచనాలు అందుకుకోవడం లో ఈ చిత్రం మొదటి ఆట నుండే సక్సెస్ అయ్యింది. అలా ప్రారంభమైన బేబీ విజయయాత్ర ఇప్పటికీ దిగ్విజయంగా కొనసాగుతూనే ఉంది.
ట్రేడ్ పండితుల లెక్కల ప్రకారం ఈ చిత్రానికి ఇప్పటి వరకు 44 కోట్ల రూపాయిల షేర్ వసూళ్లు వచ్చాయి. ప్రీ రిలీజ్ బిజినెస్ జరిగింది కేవలం 8 కోట్ల రూపాయలకు మాత్రమే. ఇకపోతే ఈ సినిమాలో మెయిన్ హీరో గా నటించిన ఆనంద్ దేవరకొండ విజయ్ దేవరకొండ కి తమ్ముడు అనే విషయం అందరికీ తెలిసిందే. కానీ రెండవ హీరో విరాజ్ అశ్విన్ గురించి మాత్రం చాలా తక్కువ మందికి మాత్రమే తెలుసు.
విరాజ్ అశ్విన్ (Viraj Ashwin) మరెవరో కాదు, టాలీవుడ్ లో ప్రముఖ సీనియర్ మోస్ట్ ఎడిటర్ మార్తాండ్ కె వెంకటేష్ కి మేనల్లుడు అవుతాడు. మార్తాండ్ కె వెంకటేష్ దశాబ్దాల నుండి ఇండస్ట్రీ లో ఎన్నో సూపర్ హిట్ సినిమాలకు ఎడిటర్ గా పనిచేసాడు. రీసెంట్ గా మెగాస్టార్ చిరంజీవి హీరో గా నటించిన ‘భోళా శంకర్ ‘ సినిమాకి కూడా ఆయనే ఎడిటర్. రీసెంట్ గా విరాజ్ అశ్విన్ పాల్గొన్న ఒక ఇంటర్వ్యూ లో తన కుటుంబానికి సంబంధించిన కొన్ని ఆసక్తికరమైన విషయాలను పంచుకున్నాడు.
తమది అప్పర్ మిడిల్ క్లాస్ ఫ్యామిలీ అని, తన తండ్రి ఇస్రో లో శాస్త్రవేత్తగా కూడా పనిచేశాడని ఇలా ఎవరికీ తెలియని ఆసక్తికరమైన విషయాలను తెలియచేసాడు. తనకి సినిమాలు కాకపోతే ఈ రంగం లో అయినా రాణించే సత్తా ఉందని, కానీ సినిమాలు అంటే చిన్నప్పటి నుండి అమితాసక్తి ఉండడం వల్ల సినీ రంగం లోకి అడుగుపెట్టానని, ఇన్ని రోజులకు సరైన బ్లాక్ బస్టర్ దొరికింది అంటూ చెప్పుకొచ్చాడు.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
