దర్శకుడిని తల్చుకుంటూ హీరోయిన్ ఎమోషనల్!

షార్ట్ ఫిలిమ్స్ ద్వారా గుర్తింపు తెచ్చుకొని టాలీవుడ్ లో హీరోయిన్ గా ఎంట్రీ ఇచ్చింది నటి చాందినీ చౌదరి. ఐదేళ్లుగా ఇండస్ట్రీలో పని చేస్తున్నప్పటికీ సరైన సక్సెస్ ను మాత్రం అందుకోలేకపోయింది. గతేడాది విడుదలైన ‘కలర్ ఫోటో’ సినిమాలో తనదైన నటనతో ఆకట్టుకున్న ఈ బ్యూటీకి ఇప్పుడు వరుస సినిమా అవకాశాలు వస్తున్నాయి. ఈ క్రమంలో ఆమె నటించిన ‘సూపర్ ఓవర్’ అనే కొత్త సినిమా విడుదలవుతున్న నేపథ్యంలో చిత్రబృందం ఓ ఈవెంట్ ని ఏర్పాటు చేసింది.

ఈ ఈవెంట్ లో హీరోయిన్ చాందినీ చౌదరి స్టేజ్ పైనే కంటతడి పెట్టుకుంటూ తీవ్ర ఆవేదన చెందింది. ‘సూపర్ ఓవర్’ సినిమా తెరకెక్కిస్తోన్న సమయంలో చిత్ర దర్శకుడు ప్రవీణ్ మృతి చెందారు. ఈ సినిమా షూటింగ్ క్లైమాక్స్ లో ఉన్న సమయంలో ప్రవీణ్ యాక్సిడెంట్ కి గురయ్యారు. ఆ తరువాత కొన్ని రోజుల పాటు హాస్పిటల్ ట్రీట్మెంట్ పొందుతూ మరణించడంతో యూనిట్ సభ్యులంతా ఆవేదన చెందారు. సినిమా షూటింగ్ లో భాగంగా ఓ సీన్ ను వివరిస్తూ ఆయన యాక్సిడెంట్ కి గురికావడం ప్రతీ ఒక్కరినీ బాధించింది.

దీంతో దర్శకుడు లేకపోయినా.. ఆయన కలను నిజం చేయడానికి యూనిట్ మొత్తం పని చేసి సినిమాను విడుదల చేస్తోంది. ఈ విషయాలను గుర్తుచేసుకుంటూ స్టేజ్ పై ఎమోషనల్ అయింది చాందినీ చౌదరి. కన్నీళ్లు పెట్టుకున్న చాందినీను హీరో నవీన్ చంద్ర ఓదార్చే ప్రయత్నం చేశారు. అనంతరం దర్శకుడు ప్రవీణ్ తో తనకున్న అనుభవాలను తలచుకుంటూ తన బాధను వ్యక్తం చేశాడు నవీన్ చంద్ర. ఈ సినిమాను ‘ఆహా’ ఓటీటీ యాప్ లో ఈరోజు విడుదల చేస్తున్నారు.

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!