చార్మి కాలు విరిగింది..!!

అందమైన మనసు కలిగిన అమ్మాయిగా నిరూపించుకున్ననటి చార్మి. వెండి తెరపై హాట్ హాట్ గా కుర్రకారుని రెచ్చగొట్టే ఈ సుందరి రీసెంట్ గా క్యాన్సర్ బాధితుల చిన్నారులకోసం తన కేశాలను కత్తిరించి ఇచ్చేసింది. తన పొడవాటి కేశాలతో పిల్లలకు విగ్గు చేయమని చిరు సాయం చేసింది. తారలు తమ కేశ సంపదను అంత తేలికగా వదులుకోవడానికి ఇష్టపడరు, చార్మి వాటిని త్యాగం చేసి శెభాష్ అనిపించుకుంది.

రెండురోజుల క్రితం మిత్రులతో కలిసి రంజాన్ పర్వదినాన్ని సంబరంగా జరుపుకున్న ఈ భామకి స్వల్ప ప్రమాదం జరిగింది. ఆమె కాలు విరిగింది. కట్లతో ఉన్న కాలు ఫోటోని చార్మి సోషల్ మీడియాలో పోస్ట్ చేసింది. అంతేకాదు కాలుని విరగగొట్టిన అమైరా దస్తూరికి కృతజ్ఞతలు అని ట్వీట్ చేసింది. అయితే ప్రమాదం ఎందుకు? ఎలా? ఎక్కడ జరిగింది అనే వివరాలు చెప్పలేదు. బాలీవుడ్ వర్ధమాన నటి అమైరా దస్తూరి పేరు ప్రస్తావన గురించి కూడా క్లారిటీ ఇవ్వలేదు. ఏదిఏమైనా చార్మి త్వరగా కోలుకోవాలని, ఇదివరకు లాగా చలాకీగా ఉండాలని అభిమానులు ఆమెను విష్ చేశారు.

Thanks @AmyraDastur93 for this beautiful gift 🙄 u really broke a leg 🙄 pic.twitter.com/AztGLzE702

— CHARMME KAUR (@Charmmeofficial) July 9, 2016