నటి జయసుధ షాకింగ్ లుక్!

March 1, 2021 / 05:26 PM ISTByFilmy Focus

Join Us

చాలా చిన్న వయసులోనే ఇండస్ట్రీకి వచ్చిన జయసుధ హీరోయిన్ గా ఎన్నో సినిమాలు చేసింది. ఒకప్పటి స్టార్ హీరోలు ఎన్టీఆర్, ఏఎన్నార్, శోభన్ బాబు, కృష్ణ లాంటి వారితో ఆన్ స్క్రీన్ రొమాన్స్ చేసి అలరించింది. ఆ తరువాత క్యారెక్టర్ ఆర్టిస్ట్ గా మారింది. తల్లి పాత్రల్లో నటిస్తూ ఈ తరం ప్రేక్షకులను కూడామెప్పిస్తోంది . సహజనటిగా గుర్తింపు తెచ్చుకున్న ఆమె కొన్ని రోజులుగా సినిమాలకు దూరంగా ఉంటున్నారు. ‘మహర్షి’ సినిమా తరువాత ఆమె పెద్దగా సినిమాలు అంగీకరించడం లేదు.

తాజాగా సోషల్ మీడియాలో ఓ వీడియోతో ప్రేక్షకుల ముందుకు వచ్చింది జయసుధ. ప్రముఖ ఛానెల్ లో ప్రసారం కానున్న ‘జానకి కలగనలేదు’ అనే సీరియల్ బృందానికి విషెస్ చెబుతూ ఓ సందేశం విడుదల చేసింది. శోభన్ బాబుతో కలిసి నటించిన ‘జానకి కలగనలేదు.. రాముడి సతి కాగలనని ఏనాడు’ అనే పాట అప్పట్లో మంచి సక్సెస్ అయిందని గుర్తుచేసుకున్నారు. ఇళయరాజా సంగీతం అందించిన ఈ పాట అప్పట్లో ప్రభంజనం సృష్టించిందని చెప్పుకొచ్చారు.

ఆ పాట పేరుతో సీరియల్ రావడం సంతోషంగా ఉందని.. ఈ సీరియల్ పెద్ద హిట్ కావాలని కోరుతూ వీడియో షేర్ చేశారు. అయితే ఈ వీడియోలో ఆమెని చూసిన వారంతా ఒక్కసారిగా షాకయ్యారు. ఆరెంజ్ కలర్ టీషర్ట్ ధరించిన జయసుధ నెరిసిన జుట్టుతో, పాలిపోయిన ముఖంగా కనిపించారు. ఆమె ముఖంలో మునుపటి కళ లేదు. దీంతో ఆమెకి ఆరోగ్య సమస్యలేమైనా ఉన్నాయా అని అభిమానులు టెన్షన్ పడుతున్నారు. ప్రస్తుతం జయసుధ మాట్లాడిన వీడియో సోషల్ మీడియాలో వైరల్ అవుతోంది.