కెరీర్ ప్రారంభంలో పలు మలయాళం, తమిళ సినిమాల్లో నటించిన మీరా జాస్మిన్.. శివాజీ హీరోగా నటించిన ‘అమ్మాయి బాగుంది’ చిత్రంతో తెలుగు ప్రేక్షకులకు పరిచయమైంది. ఆ చిత్రంలో ఈమె తన నటనతో ఆకట్టుకుంది. సినిమా కూడా హిట్టవ్వడంతో ఆ తరువాత పవన్ కళ్యాణ్ తో ‘గుడుంబా శంకర్’, రవితేజతో ‘భద్ర’ వంటి సినిమాలు చేసే అవకాశం ఈమెకు లభించింది. ఇందులో ‘భద్ర’ సూపర్ హిట్ అవ్వడంతో స్టార్ హీరోయిన్ స్టేటస్ ను దక్కించుకుంది మీరా జాస్మిన్.
ఆ తరువాత బాలకృష్ణ, గోపీచంద్, జగపతి బాబు వంటి క్రేజీ హీరోల సినిమాల్లో నటించింది. కానీ అవేమి ఈమెకు హిట్లు ఇవ్వలేదు. శ్రీకాంత్ తో చేసిన ‘యమగోల’, రాజశేఖర్ తో చేసిన ‘గోరింటాకు’ సినిమాలు హిట్లు అయినప్పటికీ ఈమెకు కలిసి రాలేదు. ఇక 2014 లో పెళ్లి చేసుకున్న తరువాత సినిమాలకు దూరంగా ఉంటూ వచ్చింది. అయితే ఇప్పుడు తాజాగా ఈమె ఓ మలయాళం సినిమాలో నటించింది. అది గెస్ట్ రోలే అయినప్పటికీ ఈమె నటనకు మంచి మార్కులే పడుతున్నాయి.
దాంతో వరుసగా కథా ప్రాధాన్యత కలిగిన సినిమాల్లో ఈమె నటించడానికి ఆసక్తి చూపిస్తోందట. ఇప్పటికే కొంతమంది దర్శకులు తెచ్చిన కథలను కూడా వినినట్టు తెలుస్తోంది. ఇక టాలీవుడ్ దర్శక నిర్మాతలు కూడా ఈమెను సంప్రదిస్తున్నట్టు సమాచారం. టాలీవుడ్లో కూడా రీ ఎంట్రీ ఇచ్చి ఇక్కడ కూడా సత్తా చాటాలని ఈమె భావిస్తోంది. అంటే త్వరలోనే ఈమెను మళ్ళీ తెలుగు సినిమాలో చూసే అవకాశం ప్రేక్షకులకు దక్కనుందన్న మాట.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
