Namitha: కరోనా బాధితుల కోసం ఫోన్ నెంబర్ ఇచ్చిన నమిత.. వీడియో వైరల్..!

May 13, 2021 / 03:47 PM ISTByFilmy Focus

Join Us

Namitha: కరోనా బాధితుల కోసం ఫోన్ నెంబర్ ఇచ్చిన నమిత.. వీడియో వైరల్..!

కరోనా ఇప్పుడు రూపం మార్చుకుని మళ్ళీ విజృంభిస్తుంది. గతేడాది కంటే కూడా దీని ఉధృతి అధికంగా ఉంటుంది. రోజుకు 3 లక్షల నుండీ 4 లక్షల వరకూ కేసులు నమోదవుతున్నాయి. మరణాల సంఖ్య కూడా వేలల్లో ఉంటుంది. హాస్పిటల్ లో బెడ్లు ఖాళీగా లేక ఎంతో మంది అవస్థలు పడుతున్నారు. ఈ నేపథ్యంలో టాలీవుడ్లో కొంతమంది సెలబ్రిటీలు కోవిడ్ బాధితుల కోసం తమ వంతు సాయం చేస్తున్నారు. ఈ విషయంలో సోనూ సూద్ ముందున్నాడు.

అటు తరువాత ఇండస్ట్రీలో చాలా మంది సెలబ్రిటీలు కూడా విరాళాలు అందిస్తున్న సందర్భాలను మనం చూస్తూనే వస్తున్నాం. ఈ క్రమంలో హీరోయిన్ నమిత కూడా ముందుకు వచ్చి జనాలకు ఉపయోగపడే సమాచారాన్ని చేరవేస్తుంది. ఇందులో భాగంగా ఓ ఫోన్ నెంబర్ ను కూడా షేర్ చేసింది. ఆమె తన సోషల్ మీడియాలో ఓ వీడియోని పోస్ట్ చేసింది. దాని ద్వారా ఈమె మాట్లాడుతూ.. ‘హలో.. మీరు కోవిడ్ లక్షణాలతో ఆందోళన చెందుతున్నారా? అయితే కంగారు పడకండి.

మీరు ఇంట్లోనే ఉంటూ డాక్టర్‌ను సంప్రదించి ట్రీట్మెంట్ తీసుకోవచ్చు. ఎలా అంటారా? అక్కడికే వస్తున్నా.. భారతీయ యువ మోర్చా హెల్ప్ లైన్ నెంబర్ అయిన 080 68173286 కు కాల్ చేసి మీరు దేని వలన ఇబ్బంది పడుతున్నారు అనే విషయాన్ని వారికి చెప్పండి. దాంతో వాళ్ళు మీకు అవసరమైన సలహాలు, సూచనలు ఇస్తారు” అంటూ నమిత చెప్పుకొచ్చింది.