షాక్‌ తిన్న ‘ఇస్మార్ట్‌’ భామ.. వీడియో వైరల్

అభిమాన నటి ప్రేక్షకుల మధ్యకు వెళ్తే ఏమవుతుంది… చూసి మురిసిపోతారు. ‘భలే ఉందిరా.. సినిమాలో కంటే బయటే బాగుందిరా’, ‘సినిమాలో ఉన్నంత అందం బయట లేదురా’, ‘అచ్చం బొమ్మలా ఉందిరా’ అంటూ తెగ మెచ్చేసుకుంటారు. వీళ్లు ఒకటైపు. వీళ్లు మరో టైప్‌ కూడా ఉన్నారు. వాళ్లు తమ వీరాభిమానంతో భయపెడతారు. అందుకే వారి అభిమానాన్ని వీరాభిమానం అనేకంటే వెర్రి అభిమానం అనడం బెటర్‌. అలాంటి అభిమానం తాజాగా ‘ఇస్మార్ట్‌ భామ’ నిధి అగర్వాల్‌కు ఎదురైంది. సినిమా షూటింగ్‌ కోసం రాజమహేంద్రవరం వెళ్లిన అమ్మడుని కొంతమంది అభిమానులు భయపెట్టేశారు.

అశోక్‌ గల్లా కథానాయకుడిగా పరిచయవుతున్న కొత్త సినిమాలో నిధి అగర్వాల్‌ హీరోయిన్‌గా నటిస్తోంది. ఇటీవల ఈ సినిమా షూటింగ్‌ రాజమహేంద్రవరంలో జరిగింది. ఆ షెడ్యూల్‌లో కథానాయిక నిధి అగర్వాల్‌ కూడా పాల్గొంది. అభిమాన నటి తమ ప్రాంతానికి వచ్చిందని తెలుసుకున్న అభిమానులు పెద్ద సంఖ్యలో షూటింగ్‌ స్పాట్‌కి వచ్చేశారు. అంతేనా ఆమెను చుట్టిముట్టేశారు. నిధి అగర్వాల్‌ ఫొటోలు తీయడానికి కొందరు, ఆమెతో సెల్ఫీలు దిగేందుకు ఇంకొందరు కారు చుట్టూ మూగిపోయారు.

‘నిధి మేడమ్‌.. నిధి మేడమ్‌…’ అంటూ కేకలు వేశారు. దీంతో నిధి అగర్వాల్‌ అభిమానులకు నవ్వుతూ అభివాదం చేశారు. అయితే అభిమాను తాకిడి ఆగకపోవడంతో కాస్త కంగారు పడ్డారు. వేగంగా కారులోకి వెళ్లిపోయే ప్రయత్నం చేశారు. అయితే అభిమానులు అక్కడితో అగకుండా… ఆమె వెంటే పరుగులు పెట్టారు. అయితే బౌన్సర్లు స్పందించి వెంటనే ఆమెను కారులోకి పంపించేశారు. అయితే, ఎంతసేపైనా అభిమానులు అక్కడే ఉండడంతో ఆమె వాహనం నుంచి బయటకు వచ్చి అందరికీ హాయ్‌ చెప్పి వెళ్లిపోయారు. ఇప్పుడా ఆ వీడియో వైరల్‌గా మారింది.

 

View this post on Instagram

 

A post shared by Filmy Focus (@filmyfocus)