తన పై నెలకొన్న నెగిటివిటీ పై ప్రియా భవాని శంకర్ ఘాటు వ్యాఖ్యలు!

January 20, 2023 / 12:27 PM ISTByFilmy Focus

Join Us

తన పై నెలకొన్న నెగిటివిటీ పై ప్రియా భవాని శంకర్ ఘాటు వ్యాఖ్యలు!

ఓ న్యూస్ రీడర్ గా కెరీర్ ను ప్రారంభించి అటు తర్వాత బుల్లితెరపై యాంకర్ గా.. అదే సమయంలో సీరియల్ నటిగా మంచి పేరు సంపాదించుకుంది ప్రియా భవాని శంకర్. సీరియల్స్ ద్వారా సంపాదించుకున్న క్రేజ్ వల్ల ఈమెకు సినిమాల్లో కూడా అవకాశాలు లభించాయి.మెల్లగా హీరోయిన్ గా కూడా మారింది. ఈమె ఎదుగుదల చాలా మందికి స్ఫూర్తిదాయకం అని చెప్పడంలో అతిశయోక్తి అనిపించుకోదు. ఇదిలా ఉండగా.. ఇటీవల ఓ ఇంటర్వ్యూలో పాల్గొన్న ఈమె..

ప్యాషన్ తో కాకుండా డబ్బు సంపాదించడానికే సినిమాల్లోకి వచ్చినట్టు కామెంట్స్ చేసింది. ‘సీరియల్స్ లో కంటే సినిమాల్లో ఎక్కువ డబ్బులు ఇస్తారు కాబట్టి… సినిమాల్లోకి ఎంట్రీ ఇచ్చినట్టు’ ఈమె మొహమాటం లేకుండా చెప్పేసింది. కానీ ఈమె కామెంట్లను తప్పుబడుతూ.. కొందరు నెగిటివ్ గా ఈ విషయాన్ని స్ప్రెడ్ చేశారు. దీంతో ఆమె పై ట్రోలింగ్ మొదలవడంతో వెంటనే రియాక్ట్ అయ్యింది. “ఎక్కువ డబ్బు సంపాదించడానికి వచ్చాను అని చెప్పడంలో తప్పేముంది?

అందరూ డబ్బు కోసమే కదా ఏ పనైనా చేస్తున్నారు. ఏ మీరు కూడా డబ్బు కోసమే కదా నా గురించి కూడా నెగిటివ్ గా రాసింది. నేనూ అంతే. ఎందుకని యాక్టర్స్ డబ్బు గురించి మాట్లాడితే తక్కువ చేసి మాట్లాడుతున్నారు. నేను ఎవరిని ఇబ్బంది పెట్టకుండా నా పని ఏదో నేను చేసుకుంటున్నాను. కానీ.. పేరుమోసిన సంస్థలు కూడా నా గురించి ఇలా నెగిటివ్ గా రాయడం విచారకరం” అంటూ ఈమె ఓ పోస్ట్ పెట్టింది. ప్రస్తుతం ఈమె పోస్ట్ వైరల్ అవుతుంది. ఇటీవల సంక్రాంతి కానుకగా రిలీజ్ అయిన ‘కళ్యాణం కమనీయం’ చిత్రంతో ఈమె టాలీవుడ్ లో అడుగుపెట్టిన సంగతి తెలిసిందే.