సౌత్ ఇండియన్ హీరోయిన్స్ బాలీవుడ్ లోకి అడుగుపెట్టడం అనేది కొత్తదేం కాదు. తరతరాలుగా వస్తూనే ఉంది. శ్రీదేవి, జయప్రదల కాలం నుంచీ ఇప్పటివరకూ ఇది కొనసాగుతూనే ఉంది. అయితే, రీసంట్ గా వస్తున్న యంగ్ హీరోయిన్స్ మాత్రం బాలీవుడ్ లో లాంగ్ కెరియర్ ని ఏర్పరుచుకోలేకపోయారు. ఇప్పుడు ఇదంతా ఎందుకు అంటే, కన్నడ బ్యూటీ రష్మిక కూడా బాలీవుడ్ లో తన లక్ ని పరీక్షించుకోబోతోంది. ప్రస్తుతం టాలీవుడ్‌ ని ఏలేస్తోన్న ఈ అమ్మడు ఈ మధ్యనే ఓ బాలీవుడ్ సినిమాలో ఆఫర్ కొట్టేసింది. సిద్ధార్థ్‌ మల్హోత్రా హీరోగా నటిస్తోన్న మిషన్‌ మజ్ను సినిమాలో హీరోయిన్ గా ఛాన్స్‌ అందుకుంది.
అంతేకాదు, ఆ తర్వాత మరో బంపర్ ఆఫర్ కూడా అమ్మడికి వచ్చింది. ఇంకా ఫస్ట్‌ సినిమా స్టార్ట్‌ కాకముందే బాలీవుడ్ లో మరో సినిమాని పట్టేసింది. బిగ్‌ బి అమితాబ్ ప్రధాన పాత్రలో నటిస్తోన్న డెడ్లీ సినిమాలో నటించే ఛాన్స్‌ ని అందుకుంది. అమితాబ్ కూతురిగా రష్మిక ఇందులో నటించనుంది. ఇక ఇలాంటి క్రేజీ ఆఫర్స్ రావడంతో రష్మిక ఆనందంతో ఉబ్బితబ్బిబైపోతోందట. వరుసగా ఇలాంటి ఆఫర్లతోనే గతంలో ఇలియానా కూడా కొండత ఆశతో బాలీవుడ్ లోకి అడుగుపెట్టింది. ఇప్పుడు ఇలియానా బాటలోనే రష్మిక కూడా వెళ్తోంది. బాలీవుడ్ లో సిినిమాలు చేస్తూ సౌత్ లో హీరోయిన్ గా చలామణీ అవ్వడం అనేది మామూలు విషయం కాదు.
రెండూ బాగా బ్యాలన్స్ చేయాలి. అలా కాకుండా సౌత్ ఇండియన్ సినిమాకి బైబై చెప్పేసి బాలీవుడ్ లో సెటిల్ అవ్వుదాం అని వెళ్లే కెరియర్ దెబ్బతినే అవకాశం కూడా ఉంది. రష్మిక అలా చేస్తే గనక ఖేల్ ఖతమ్ దుకాణ్ బంద్ అవుతుందనే అంటున్నారు అందరూ. మరి రష్మిక మందన అలాంటి పనే చేస్తుందా లేదంటే తెలివిగా సౌత్ లోనూ కొనసాగుతూ, చక్కగా బాలీవుడ్ మూవీస్ చేసుకుంటుందా అనేది తెలియాలి. అదీ విషయం.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
