సూపర్ డీలక్స్ లో సూపర్బ్ పెర్ఫార్మెన్స్ తో అదరగొట్టిన సమంత

ఈకాలంలో బికినీ వేస్తేనో లేకపోతే ఒకట్రెండు లిప్ లాక్ సీన్స్ చేస్తేనో బాగా బోల్డ్ సీన్స్ చేసేశామని చంకలు గుద్దేసుకొంటున్నారు కొందరు కథానాయికలు. వాళ్లందరికీ “బోల్డ్ రోల్ అంటే ఇది” అని చూపించింది సమంత. ఆమె నటించిన తాజా తమిళ చిత్రం “సూపర్ డీలక్స్” గత శుక్రవారం విడుదలైంది. విజయ్ సేతుపతి, సమంత, ఫహాద్ ఫజిల్, రమ్యకృష్ణ ప్రధాన పాత్రల్లో నటించిన ఈ చిత్రానికి విశేషమైన ఆదరణ లభిస్తోంది. అన్నిటికీ మించి ఈ సినిమాలో విజయ్ సేతుపతి ట్రాన్స్ జెండర్ గా నటించడం, ఆ పాత్రకు ప్రాణం పోయడం కోసం చేసిన కొన్ని సన్నివేశాలు విశ్లేషకుల చేత సైతం క్లాప్ట్స్ కొట్టించగా.. సమంత పోషించిన “వెంబు” అనే బోల్డ్ క్యారెక్టర్ ను సమానంగా మెచ్చుకుంటున్నారు.

• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చేయండి
• సూర్యకాంతం రివ్యూ కోసం ఇక్కడ క్లిక్ చేయండి
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల
• ఐరా రివ్యూ కోసం ఇక్కడ క్లిక్ చేయండి 

శారీరక సుఖం కోసం భర్తతో కాకుండా తన ఎక్స్ లవర్ ను కలిసిన వెంబు అనే అమ్మాయి ఆ పది నిమిషాల సుఖం కారణంగా ఎదుర్కొన్న ఇబ్బందులను హిలేరియస్ గా ప్రెజంట్ చేశాడు దర్శకుడు త్యాగరాజన్. ఆ పాత్రలో సమంతను తప్ప మరెవరినీ ఊహించుకోలేని విధంగా కెరీర్ బెస్ట్ పెర్ఫార్మెన్స్ తో అలరించింది సమంత. పెళ్ళైన తర్వాత హీరోయిన్లు నటించకూడదు అనే జింక్స్ ను బ్రేక్ చేసిన సమంత.. ఫ్యామిలీ సపోర్ట్ తో ఈ తరహా బోల్డ్ రోల్స్ చేస్తూ తన ఫ్యాన్ బేస్ ను రోజురోజుకూ పెంచుకుంటూ వెళ్తోంది. ఆమె నటించిన “మజిలీ” ఈవారం విడుదలవుతోంది. ఈ సినిమా కూడా హిట్ అయ్యిందంటే.. సమంత క్రేజ్ కి ఇప్పుడప్పుడే వేరే హీరోయిన్లు పోటీ ఇవ్వలేరు.