రోషన్ హీరోగా తెరకెక్కిన పెళ్లిసందD సినిమాతో టాలీవుడ్ కు శ్రీలీల హీరోయిన్ గా పరిచయమైంది. తొలి సినిమాతోనే ఈ బ్యూటీ నటిగా మంచి మార్కులు సంపాదించుకుంది. పెళ్లిసందD సక్సెస్ తో ఈ హీరోయిన్ కు వరుసగా సినిమా ఆఫర్లు వచ్చాయి. రవితేజకు జోడీగా శ్రీలీల ఒక సినిమాలో నటిస్తుండగా ఈ హీరోయిన్ చేతిలో మరికొన్ని సినిమా ఆఫర్లు ఉన్నాయి. బాలయ్య అనిల్ కాంబో మూవీలో ఒక పాత్ర కోసం శ్రీలీల పేరును పరిశీలిస్తున్నారు.
ప్రస్తుతం ఒక్కో సినిమాకు ఈ బ్యూటీ 75 లక్షల రూపాయలకు అటూఇటుగా రెమ్యునరేషన్ తీసుకుంటున్నారు. తాజాగా ఈ బ్యూటీ మరో సినిమాకు గ్రీన్ సిగ్నల్ ఇచ్చారు. సాయి కొర్రపాటి ఈ సినిమాకు నిర్మాతగా వ్యవహరించనుండగా మైనింగ్ కింగ్ గాలి జనార్ధన్ రెడ్డి కొడుకు కిరీటి ఈ సినిమాలో హీరోగా నటించనున్నారని తెలుస్తోంది. ఈ సినిమా కోసం శ్రీలీల రెట్టింపు పారితోషికం తీసుకుంటున్నారని బోగట్టా. శ్రీలీల ఈ సినిమాకు ఏకంగా కోటిన్నర రూపాయలు రెమ్యునరేషన్ గా తీసుకుంటున్నారు.
శివరాత్రి సందర్భంగా ఈ సినిమాకు సంబంధించి అధికారిక ప్రకటన వెలువడింది. ఒకే ఒక సక్సెస్ తో శ్రీలీల ఈ స్థాయిలో రెమ్యునరేషన్ ను అందుకుంటూ ఉండటంతో ఇతర స్టార్ హీరోయిన్లు సైతం అవాక్కవుతున్నారు. శ్రీలీల ఖాతాలో మరో బ్లాక్ బస్టర్ హిట్ చేరితే ఆమె స్టార్ హీరోయిన్ల జాబితాలో చేరడం గ్యారంటీ అని ఫ్యాన్స్ కామెంట్లు చేస్తున్నారు. తొలి సినిమాతోనే సక్సెస్ సాధించిన యంగ్ హీరోయిన్లకు వరుసగా సినిమా ఆఫర్లు దక్కుతున్నాయి.
దీపం ఉండగానే ఇల్లు చక్కబెట్టుకోవాలనే సామెతను టాలీవుడ్ హీరోయిన్లు బాగానే ఫాలో అవుతున్నారు. కరోనా వల్ల గతంతో పోలిస్తే సినిమాలకు కలెక్షన్లు తగ్గుతున్నా తమ రెమ్యునరేషన్ విషయంలో మాత్రం హీరోయిన్లు వెనక్కు తగ్గడం లేదు. కృతిశెట్టి, శ్రీలీల తమ టాలెంట్ తో తెలుగులో సినిమా ఆఫర్లతో పాటు విజయాలను ఖాతాలో వేసుకుంటున్నారు. ఈ ఏడాది టాలీవుడ్ కు పరిచయమయ్యే హీరోయిన్లలో ఎంతమంది హీరోయిన్లు కృతిశెట్టి, శ్రీలీలలా గుర్తింపును సంపాదించుకుంటారో చూడాల్సి ఉంది.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
