కథానాయికగా నటించాలంటే అవకాశం రావాలి. అదే రెండో సినిమా టాలీవుడ్‌లో అగ్ర కథానాయకులతో నటించాలి అంటే… పక్కా ప్లానింగ్‌ కావాలి. ఇప్పుడు అదే ప్లానింగ్‌ను అనుసరించి… టాప్‌ హీరోయిన్ల జాబితాలోకి వెళ్లడానికి సిద్ధమైపోతోంది శ్రీలీల. ఈ ఇంట్రడక్షన్‌ నార్మల్‌గా ఉంది కదా. అవును మరి, ఆమె టాలీవుడ్‌ ఇంట్రడక్షన్‌ కూడా నార్మల్‌గానే అయ్యింది. అయితే వెండితెర మీద ఈ ముద్దుగుమ్మను చూశాక… కుర్రకారు పరిస్థితి నార్మల్‌ నుండి అబ్‌నార్మల్‌ అయ్యింది. అందచందాలు, హొయలు అలా ఆకట్టుకున్నాయి మరి. దీంతో ఇప్పుడు వరుస సినిమాలకు సంతకాలు చేస్తోంది.
గత కొన్ని రోజులుగా టాలీవుడ్‌లో కొత్త సినిమాలు అందులోనూ స్టార్‌ హీరోల సినిమాలు మొదలవుతున్నాయి అనగానే వినిపిస్తున్న కుర్ర నాయిక పేర్లలో శ్రీలీల ఒకరు. ‘పెళ్లిసందD’ సినిమాతో టాలీవుడ్‌లోకి ఎంట్రీ ఇచ్చింది. అయితే అప్పటికే కన్నడలో కథానాయికగా నటించింది. అయితే అక్కడ కంటే ఇక్కడే ఎక్కువ పేరొచ్చింది. అందుకే స్టార్‌ హీరోలతో సినిమా అనగానే ఆమె పేరు వినిపిస్తోంది. ప్రభాస్ – మారుతి సినిమా ‘రాజా డీలక్స్‌’ (చర్చల్లో ఉన్న పేరు)… మహేష్‌బాబు – త్రివిక్రమ్ సినిమాలో కూడా ఆమె పేరే వినిపిస్తోంది. ఇది కాకుండా ఎన్టీఆర్‌ – బుచ్చిబాబు సినిమాలో కూడా శ్రీలీల పేరు చర్చిస్తున్నారట. ఇప్పటికే రవితేజతో ‘ధమాకా’లో నటిస్తోంది.
ఇదంతా చూస్తుంటే… శ్రీలీల ప్లానింగ్‌ టాలెంట్‌ ఏంటో అర్థమవుతుంది. గతేడాది జులైలో ‘పెళ్లిసందD’ సినిమా వచ్చింది. అప్పటి నుండి శ్రీలీల పేరు టాలీవుడ్‌లో చక్కర్లు కొడుతూనే ఉంది. ఆ సినిమాలో చేస్తోంది, ఏ సినిమాలో చేస్తోంది అంటూ వార్తలొచ్చాయి. కానీ ఏ సినిమా కూడా ఓకే అవ్వలేదు. అయితే వరుసగా కథలు వింటూ వచ్చిన శ్రీలీల… ఇప్పుడిప్పుడే సినిమాలు ఓకే చేస్తోంది. అందులో భాగంగా ‘ధమాకా’ ఓకే చేసింది. అందులోని లుక్‌కు ఇప్పటికే మంచి రెస్పాన్స్‌ వస్తోంది. ఆమె కోసమే మహేష్‌ సినిమా కోసం త్రివిక్రమ్… శ్రీలీల పాత్రను ఇంకాస్త డెవలప్ చేస్తున్నారనే ముచ్చట్లూ వినిపిస్తున్నాయి.
ఒక యువ హీరోయిన్‌కి ఇదెలా సాధ్యం. రాత్రికి రాత్రి స్టార్‌ హీరోయిన్‌ అయినవాళ్లను చాలామందినే చూశాం. అయితే కొత్త సినిమా ఒప్పుకోకుండా హోల్డ్‌లో పెట్టి వరుస అవకాశాలు ఎలా సంపాదించింది అనేదే ఇక్కడ చర్చ. కొంతమంది నాయికలు ఓవర్‌నైట్‌ స్టార్‌ అయ్యాక వరుస సినిమాలు ఓకే చేసేస్తారు. ఆ తర్వాత సెలక్షన్‌ రాంగ్‌ అయ్యి పరాజయాలు పాలవుతారు. మరి ఇప్పుడు శ్రీలీల అలానే చేసిందా? లేదా అనేది ఆ సినిమాలు వస్తే తెలుస్తుంది. కానీ ఇప్పటివరకు అయితే ఎంపిక చేసిన, ఎంపిక చేసింది అంటున్న సినిమాల కాంబో అయితే సూపర్‌ అని చెప్పొచ్చు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home