అలా మాట్లాడితే ఎక్కువ అవకాశాలు వచ్చేవేమో!

మన తెలుగు టీవి చానల్స్ లో యాంకర్స్ అని పిలవబడుతున్న సగానికిపైగా మందికి తెలుగు సరిగా రాదు. ఇప్పుడు సూపర్ హాట్ యాంకర్స్ గా పేరుగాంచిన రష్మీ, అనసూయ, ఉదయభాను వంటి వారందరూ తెలుగు వచ్చినా సరే సరైన తెలుగు మాట్లాడకుండా కేవలం అందాల ప్రదర్శనతో నెట్టుకొస్తున్నారు. అయితే.. వీళ్ళందరికంటే ముందే యాంకర్ గా కెరీర్ మొదలెట్టిన కలర్స్ స్వాతి మాత్రం కేవలం కలర్స్ అనే ప్రోగ్రామ్ కు మాత్రమే పరిమితమైంది. ఆ తర్వాత సినిమాల్లోకి ఎంట్రీ ఇచ్చి పెద్ద సినిమాల్లో సపోర్టింగ్ రోల్స్ మరియు చిన్న సినిమాల్లో హీరోయిన్ రోల్స్ తో సరిపెట్టుకొంది. రీసెంట్ గా “లండన్ బాబులు” అనే చిత్రంలో కథానాయికగా కనిపించిన కలర్స్ స్వాతికి మంచి ఆఫర్లు లేవనే చెప్పాలి. తమిళంలో ఓ మోస్తరుగా ఆఫర్లు దక్కించుకొంటున్న స్వాతిని తెలుగులో మాత్రం పట్టించుకొనేవారు కరువయ్యారు.

ఈ విషయమై ఇటీవల ఓ ఇంటర్వ్యూలో ప్రశ్నించగా.. నేను మిగతా హీరోయిన్లలా అందాల ప్రదర్శన చేయలేను కాబట్టి పెద్ద సినిమాలు రావడం లేదు. పోనీ యాంకర్ గా కొనసాగుదామంటే.. ఇప్పుడొస్తున్న యాంకర్లలా అరకొర తెలుగులో మాట్లాడలేను. ఇన్ని మైనస్ పాయింట్స్ ఉన్నాయి కాబట్టే నేను సినిమా, టీవి రంగాల్లో నెగ్గుకురాలేకపోతున్నాను అంటూ వెటకారంగా సమాధానమిచ్చింది స్వాతిరెడ్డి. కాస్త కరుకుగా ఉన్నా.. ఈమాట నిజమే.