బాలీవుడ్‌లో ఓ వెరైటీ సినిమా తెరకెక్కబోతోంది. ఆ సినిమా కాస్టింగ్‌, క్రూ చూస్తుంటే… ఇంతకంటే మెమెరబుల్‌ సినిమా కానీ, వెరైటీ సినిమా కానీ ఇంకొకటి ఉండదు అని చెప్పొచ్చు. ఎందుకంటే చాలా ఏళ్ల గ్యాప్‌ తర్వాత నిర్మాత, హీరో కలసి పని చేస్తున్నారు. అలాగే చాలా ఏళ్ల తర్వాత హీరోయిన్ ఆ ఇండస్ట్రీలోకి అడుగుపెడుతోంది. అంతేకాదు దర్శకుడు ఓ ఇండస్ట్రీ నుండి వస్తే… ఆ హీరోయిన్ ఇంకో ఇండస్ట్రీ నుండి వస్తోంది. అలాగే కథ కూడా ఎప్పటిదో అంటున్నారు. అన్నింటికి మించి ఆ హీరో.. ఆ హీరోయిన్‌కు పెద్ద అభిమాని.
ఇప్పుడు మొత్తం స్పెషల్స్‌ ఒక దగ్గర పెడితే… ఆ హీరో సల్మాన్ ఖాన్, ఆ హీరోయిన్ త్రిష, ఆ దర్శకుడు విష్ణువర్థన్‌, ఆ నిర్మాత కరణ్ జోహార్. సల్మాన్ ఖాన్ హీరోగా చాలామంది నిర్మాతలు సినిమాలు చేస్తున్నా… గత 25 ఏళ్లుగా ఓ నిర్మాత మాత్రం చేయడం లేదు. అతనే కరణ్ జోహార్. అందుకే ఈ కాంబోలో సినిమా కోసం ఫ్యాన్స్‌ చాలా ఏళ్లుగా వెయిటింగ్‌ చేస్తున్నారు. ఇప్పుడు ఈ సినిమాతో అది నెరవేరబోతోంది. అలాగే చాలా ఏళ్లుగా సల్మాన్‌తో నటించాలని త్రిష అనుకుంటోంది. అది కూడా ఇప్పుడు నెరవేరింది అని చెప్పొచ్చు.
‘పంజా’ సినిమా దర్శకుడు విష్ణువర్ధన్ దర్శకత్వంలో సల్మాన్ ఖాన్ ఓ సినిమా చేస్తున్నారు. ‘ది బుల్’ అనే పేరుతో రూపొందుతున్న ఆ సినిమాలో త్రిషను కథానాయికగా తీసుకున్నారట. 1988లో జరిగిన ఓ మిలిటరీ ఆపరేషన్ ఆధారంగా ఈ సినిమాను తెరకెక్కిస్తున్నారు. ‘ఆపరేషన్ కాక్టస్’ పేరుతో అప్పట్లో మాల్దీవుల అధ్యక్షుడిని రక్షించేందుకు భారత సైన్యం పెద్ద ఆపరేషనే నిర్వహించింది. దాని ఆధారంగానే ‘ది బుల్’ తెరకెక్కిస్తున్నారు.
ఈ సినిమాలో సల్మాన్ మిలిటరీ ఆఫీసర్‌గా కనిపిస్తాడట. 2010 తర్వాత ఈ సినిమా కోసం త్రిష బాలీవుడ్‌ వెళ్తోంది. అప్పుడు అక్షయ్ కుమార్ హీరోగా వచ్చిన ‘కట్టమీటా’ అనే సినిమాలో త్రిష నటించింది. ఆ తర్వాత మళ్లీ ఆమె అటువైపు చూడలేదు. ఇక ఈ సినిమాను కరణ్ జోహార్ నిర్మిస్తున్నాడు. 25 ఏళ్ల ఈ కాంబోలో రూపొందనున్న ఈ సినిమా 2025 సెకండాఫ్‌లో రిలీజ్‌ చేస్తారట.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
