మహేష్ బాబు ఇప్పటివరకూ బ్రేక్ చేయలేకపోయిన రికార్డ్ రవితేజ ఖాతాలో ఏముందబ్బా అని ఆలోచించేస్తున్నారా?. రికార్డ్ అంటే కలెక్షన్స్ లేదా ఎక్కువ రోజులు ఆడిన సినిమాల రికార్డ్స్ కాదు. ఇక్కడ రవితేజ రికార్డ్ ఏమిటంటే.. “వెంకీ” సినిమాలో రవితేజ & గ్యాంగ్ చేసిన ట్రైన్ కామెడీ సీన్ ఇప్పటిజీ ఒన్నాఫ్ ది బెస్ట్ కామెడీ సీన్. దాదాపు 20 నిమిషాల సదరు కామెడీ ఎపిసోడ్ ఇప్పటికీ చాలామందికి హాట్ ఫేవరెట్. బోర్ కొట్టినప్పుడల్లా యూట్యూబ్ లో సదరు సినిమాను లేదా ట్రైన్ సీక్వెన్స్ ను చూస్తుంటారు జనాలు. ఇప్పుడు ఆ రికార్డ్ ను బ్రేక్ చేయనున్నాడు మహేష్ బాబు.
అనిల్ రావిపూడి దర్శకత్వంలో మహేష్ బాబు హీరోగా రూపొందుతున్న “సరిలేరు నీకెవ్వరు” సినిమా కోసం అనిల్ ఒక మంచి ట్రైన్ కామెడీ ట్రాక్ ను ప్లాన్ చేశాడట. ఇటీవలే షూటింగ్ కూడా పూర్తైంది. అన్నపూర్ణ స్టూడియోస్ లో వేసిన ట్రైన్ సెట్ లో ఈ కామెడీ ఎపిసోడ్ చిత్రీకరణ జరిగింది. దాదాపు 15 నిమిషాల ఈ కామెడీ ఎపిసోడ్ హిలేరియస్ గా ఉండబోతోందట. కామెడీలో ఎలాగూ అనిల్ సిద్ధహస్తుడు కాబట్టి మంచి కామెడీని ఎక్స్ పెక్ట్ చేయొచ్చు.
