‘అర్జున్ రెడ్డి’ కాంబో రిపీట్ కాబోతుందా…?

విజయ్ దేవరకొండ హీరోగా సందీప్ రెడ్డి వంగా డైరెక్షన్లో వచ్చిన ‘అర్జున్ రెడ్డి’ చిత్రంతో హీరోయిన్ గా పరిచయమయ్యింది షాలినీ పాండే. ఈ చిత్రం ఎంత సంచలన విజయాన్ని నమోదు చేసిందో ప్రత్యేకంగా చెప్పనక్కర్లేదు. ఈ చిత్రంలో షాలినీ- విజయ్ దేవరకొండ ముద్దు సీన్లు ఓ రేంజ్లో పాపులర్ అయ్యాయి. తరువాత వీరిద్దరూ ‘మహానటి’ చిత్రంలో కనిపించారు. అయితే జంటగా కాదు… కీర్తి సురేష్ (సావిత్రి) ఫ్రెండ్ గా షాలినీ, సమంత(మధురవాణి) లవర్ గా విజయ్ దేవరకొండ నటించారు. అయితే ఇప్పుడు మరోసారి ఈ జంట కనువిందు చేయనుందట.

• 118 రివ్యూ  కోసం ఇక్కడ క్లిక్ చెయ్యండి
• విశ్వాసం రివ్యూ  కోసం ఇక్కడ క్లిక్ చెయ్యండి
• ఎన్టీఆర్ మహానాయకుడు’ రివ్యూ కోసం ఇక్కడ క్లిక్ చెయ్యండి 
• “అంజలి సిబిఐ” రివ్యూ కోసం ఇక్కడ క్లిక్ చెయ్యండి

ప్రస్తుతం విజయ్ దేవరకొండ ‘డియర్ కామ్రేడ్’ చిత్రం త్వరలో విడుదల కాబోతుంది. ఇదిలా ఉండగా క్రాంతిమాధవ్ డైరెక్షన్లో ఓ చిత్రం చేయబోతున్నాడు విజయ్. ఈ చిత్రం తరువాత తమిళ దర్శకుడు ఆనంద్ అన్నామలై తో ఓ చిత్రం చేయడానికి సన్నాహాలు జరుగుతున్నాయి. స్పోర్ట్స్ నేపథ్యంలో సాగే కథాంశంతో ఈ చిత్రం రూపొందనుంది. ఈ చిత్రంలో హీరోయిన్ గా షాలినీ పాండేను ఎంచుకోబోతున్నట్టు సమాచారం. ఈ హిట్ కాంబినేషన్ మరో సారి జతకట్టనుండడంతో ఈ ప్రాజెక్ట్ పై ప్రేక్షకుల్లో ఆసక్తి నెలకొంది.