అదేంటో కానీ ఓ డైరెక్టర్ తన మొదటి సినిమాతోనే బ్లాక్ బస్టర్ కొడితే… ఆ డైరెక్టర్ తో తరువాతి సినిమా చేయడానికి క్యూలు కడుతుంటారు హీరోలు. కానీ మన రాంగోపాల్ వర్మ శిష్యుడు అజయ్ భూపతి సంగతి దీనికి భిన్నంగా ఉంది. గతేడాది ‘ఆర్.ఎక్స్.100’ చిత్రంతో బ్లాక్ బస్టర్ హిట్టు కొట్టాడు. ఈ చిత్రానికి 5 ఇంతల లాభం వచ్చింది. అయితే ఈ చిత్రం మేజర్ క్రెడిట్ మొత్తం హీరోయిన్ కొట్టేసింది. దీంతో తన నెక్స్ట్ సినిమా కథతో రామ్, నితిన్, నాగ చైతన్య వంటి హీరోలకు కథ వినిపించినా ఎవరూ అజయ్ భూపతి డైరెక్షన్లో చేయడానికి ఒప్పుకోలేదని టాక్ వినిపిస్తుంది. ఆఖరికి బెల్లంబాబు కూడా బిజీగా ఉండడంతో అజయ్ భూపతితో సినిమా చేయడానికి టైం పడుతుందని చెప్పాడట. దీంతో మళ్ళీ వేరే హీరోల దగ్గరకి వెల్ళడం మొదలు పెట్టాడట.
ఇక అందరి హీరోల దగ్గరా ట్రై చేసి చివరికి మాస్ మహా రవితేజ దగ్గరికి వచ్చాడంట. ఈమధ్యే రవితేజను కలిసి ఓ కథావినిపించాడట అజయ్. ‘మహాసముద్రం’ అనే టైటిల్ తో రూపొందే ఈ చిత్రంలో చేయడానికి రవితేజ ఓకే చెప్పాడంట. అయితే రవితేజ కు ‘డిస్కో రాజా’ చిత్రంతో బిజీగా ఉన్నాడు. మరో రెండు ప్రాజెక్టులను కూడా ఫైనల్ చేసాడని తెలుస్తుంది. ఇవి పూర్తయిన తరువాతే అజయ్ భూపతి తో సినిమా చేస్తానని చెప్పాడట. మరి అజయ్ భూపతి ఎదురుచూస్తాడా లేక మరో హీరోదగ్గరికి వెళ్తాడా అనేది తెలియాల్సి ఉంది.
Home