నందమూరి బాలకృష్ణ, బోయపాటి శ్రీను కాంబినేషన్ లో తెరకెక్కుతోన్న హ్యాట్రిక్ చిత్రం ‘అఖండ’. ఈ సినిమాలో బాలకృష్ణ త్రిపాత్రాభినయం చేస్తున్నారు. ఇప్పటివరకు బాలయ్యను ఎప్పుడూ చూడని అఘోరా గెటప్ లో ప్రేక్షకులు చూడబోతున్నారు. రీసెంట్ గా ఈ సినిమా టైటిల్ ను ప్రకటిస్తూ చిన్న టీజర్ ను విడుదల చేసింది చిత్రబృందం. ఈ టీజర్ యూట్యూబ్ లో రికార్డులు సృష్టిస్తోంది. కచ్చితంగా సినిమా బ్లాక్ బస్టర్ అవుతుందని అభిమానులు ఆశిస్తున్నారు.
ఇప్పటికే టీజర్ తో ఫ్యాన్స్ ను ఖుషీ చేసిన ‘అఖండ’ టీమ్ ఇప్పుడు మరో సర్ప్రైజ్ ఇవ్వడానికి రెడీ అవుతోంది. ఈ సినిమాలో మొదటి పాటను విడుదల చేయడానికి ప్లాన్ చేస్తున్నారు. సీనియర్ ఎన్టీఆర్ జయంతిని పురస్కరించుకొని.. మే 28న ఈ పాటను విడుదల చేయాలనుకుంటున్నారు. నిజానికి ఈ తేదీన సినిమాను రిలీజ్ చేయడానికి ప్లాన్ చేశారు. కానీ కరోనా కారణంగా అంతరాయం ఏర్పడడంతో వాయిదా వేయాల్సి వచ్చింది.
ఇప్పుడు సినిమాకు బదులుగా ఓ పాటను రిలీజ్ చేసి ఫ్యాన్స్ ను ఎంటర్టైన్ చేయాలనుకుంటున్నారు. తమన్ సంగీతం అందిస్తుండడంతో ఈ పాట టీజర్ ని మించి రికార్డులు సృష్టిస్తుందని నమ్ముతున్నారు. ద్వారక క్రియేషన్స్ బ్యానర్ పై తెరకెక్కుతోన్న ఈ సినిమాలో ప్రగ్యా జైస్వాల్ హీరోయిన్ గా నటిస్తోంది. అలానే నటి పూర్ణ మరో ముఖ్య పాత్రలో కనిపించనుంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home